Rávven muittuha 1-2022
Hálddahusa skuvlejupmi 3.–4.5 ja 10.–12.5.2022
Fáddán earret eará boazodoalloláhka, čoahkkingeavadat, ráđđádallandáiddut, boazologahallamat ja bealljemearkkat. Almmuheamit ja sisdoallosávaldagat Vilma (040 685 8958) dahje Anna-Leena (0400 388 560). Skuvlejupmi ollašuvvá, juos oassálastit leat doarvái.
Čađat Poromiehen tieturva -kurssa neahtas
Skuvlejupmi gávdno Väylävirasto skuvlenvuođus www.e-turva.fi. Liŋka ja lassedieđut skuvlejumis gávdnojit maiddái Rávven-siidduin (www.paliskunnat.fi -> Boazodoallái)
Boazodolliid sadjásašveahkki 2022
Boazodolliid sadjásašveahki stuorámus mearrin lea jahkái 2022 nannejuvvon 200 h / boazodoalli. Boazodoalli iežas ordnen sadjásašveahkis buhtaduvvo eanemustá 18,72 €/h.
Árvolasseskoviid galgá máhcahit bálgosa ruhtadoallái 1.6.2022 rádjái
– Leage dárkil vearrovuođuiguin
– Iežas geavahussii váldon bohccobierggu vearuhis haddi boazodoallojagi 2021-2022 lea 8,50 €/kg. Iežas geavahussii oažžu váldit buktagiid vearu haga 850 € rádjái. Eará lea árvolassevearrovullosaš geavahusa nappo 9,69 €/kg (álv 14 %).
– Pomu 2020-2021 (badjeolbmo muituimerkejumit) gávdno www.paliskunnat.fi dahje Py neuvonta -nammasaš facebook-joavkkus
Ruhtadoallit/girjedoallit
Dál lea buorre boddu geahččat bálgosiid ruhtadoaluid, go leat ruhtadoallobaji beallemuttus.
Váldde oktavuođa njuolga Astai (0400 130 075) ja soaba áiggi ja doaimmahanvuogi dieđuide.
Boazoisidat!
Doaimmat álgosaš boazologahallandieđuid 3.4.2022 rádjái Anna-Leenai (anna-leena.jankala@paliskunnat.fi).
Logahallama vierrobálgosiid bohccuin galgá doaimmahit njukčamánu loahpa rádjái (Bdá 11.2 §).
Ruhtadolliide lea rávvensiiddus ráva vierrobálgosiid boazoruđaid gieđahallamis ruhtadoalus.
Boazologahallamat
Boazodoallolága 30 § mielde “Bálggus galgá guhtege boazodoallojagi čállit rátkagiid vuođul logahallama bálgosa osolaččaid oamastan bohccuin (boazologahallan). Boazologahallamii galgá váldit maiddái nuppi bálgosa guovllus geahčus leahkki bohccot nu mo bohccot, maid eaiggát rátkagiid olggobealde lea váldán geavahussii. Vástideaddji logahallama galgá čállit rátkagis eará bálgosiidda gulli gávnnahuvvon bohccuin”
Boazoeaiggát: Almmut áiggil bálgosasat ruovttus njuvvon bohccuid ja dakkár bohccuid, maid leat váldán dikšui bigálusaid olggobealde.
Boazoisidat, ruhtadoallit: Nannejuvvon boazologahallandieđuid galgá doaimmahit Bálgosiid ovttastussii 31.5.2022 rádjái.
Jagi 2022 vearrofriddja buhtadusaid stuorámus mearit
Beaiveruhta 45 €
Oassebeaiveruhta 20 €
Kilomehterbuhtadus 0,46 €/km
Mohtorgielká- ja njealjejuvllatbuhtadus 14 €/geavahandiibmu dahje mohtorgielká 1,10 €/km ja njealjejuvllat 1,04 €/km
Tráktor 11 €/geavahandiibmu
Buohccivuođadáhkádusmáksu jagis 2022 lea 1,34 %
Beatnagiid dagahan vahágat
Almmut beanavahágis skoviin čujuhusas https://bit.ly/koiravahinko dahje riŋge boazodoallorávvejeaddjái. Dušše almmuhuvvon vahágat oidnojit statistihkain. Almmut maiddái dakkár vahágis, mas boazu ii jáme.
Mo doaibmat, go beana lea gaikkodan dahje goddán bohcco:
- Váldde govaid dáhpáhusbáikkis ja gaikkoduvvon bohccos, váldde vejolaš duođašteddjiid dieđuid bajás. (Govain galggašedje boahtit ovdan goittotge bohcco váttut ja vejolaš beatnaga luottat)
- Čielggat beatnaga eaiggáda.
- Sádde rehkega manahuvvon bohccos ja vejolaš eará goluin beanaeaiggádii. Rehkegis galget boahtit ovdan buhtadusákkat oktan supmiiguin ja das galgá leat mearrebeaivi.
- Sáhtát bivdit Bálgosiid ovttastusas cealkámuša bohcco árvvus.
- Beanaeaiggádis lea lága mielde ovddasvástádus beatnagis dagahan vahágiin. Buhtadusa vahágis máksá beanaeaiggát.
- Juos beanaeaiggádis lea dáhkádus, máksá dáhkádusfitnodat dábálaččat oasi vahágis. Dát ii goittotge sihko beanaeaiggáda máksingeatnegasvuođa. Ale ságastala beanavahágiin vahága dagahan dáhkádusfitnodagain. Vahága dagaheaddji fuolaha ieš iežas dáhkádusas vejolaš buhtadusaid.
- Almmut álo beanavahágis čujuhusas https://bit.ly/koiravahinko dahje riŋge boazodoallorávvejeaddjái. Ná mii sáhttit oažžut vahágiin statistihkaid. Almmut maiddái dakkár vahágis, mas boazu ii jáme.
- Vejolaš riidoáššiin nuvttá vuoigatvuođalaš rávvema beanavahátáššiin fállá várreduopmár Joni Ylänkö.
Álgojagi muitolistu
Njukčamánnu
Čielggadus boazodoalu boađuin 2021 ja ÁLV-skovit boazoeaiggádiidda
- Ráđđádallandáidu- ja kommunikašuvdnaskuvlejupmi, Anár. Lassedieđut: www.lapinamk.fi/yhteinenporonhoitoalue
- Vierrolisttuid galgá doaimmahit
Cuoŋománnu
1.-2. Barggujođiheddjiid beaivvit, Soađegilli. Lassedieđut: www.lapinamk.fi/yhteinenporonhoitoalue
6.-7. Bálgosiid ovttastusa stivrra čoahkkin
- Ráđđádallandáidu- ja kommunikašuvdnaskuvlejupmi, Roavvenjárga. Lassedieđut: www.lapinamk.fi/yhteinenporonhoitoalue
- Bohccuid biebman -seminára, Roavvenjárga + gáiddusoassálastinvejolašvuohta. Várrebeaivi 22.4. Lassedieđut: Porojen ruokinta ja ravitsemus muuttuvassa ilmastossa -fidnu
- Polura doarjjabadji nohká
- Siidoboahtoseminára – Mas lassedienas boazodoallái? Roavvenjárga + gáiddusoassálastinvejolašvuohta. Lassedieđut: www.lapinamk.fi/yhteinenporonhoitoalue
Miessemánnu
3.-4. Hálddahusa skuvlejupmi I
- Áibmogoikaduvvon duolji buvttadeapmi ja vuovdin -bargobádji. Lassedieđut: www.lapinamk.fi/porontaljat
10.-12. Hálddahusa skuvlejupmi II
Geassemánnu
- Boazoeaiggádiid ÁLV-skovit galget leat bálgosis
- Bálgosiid ovttastusa stivrra čoahkkin
6.-7. Áirrasčoahkkin, Roavvenjárga
- Polura doarjjabadji nohká
Mohtorgielká- ja njealjejuvllatohcamušat
Mohtorgielká- ja njealjejuvllatdoarjagiid sáhttá ohcat HYRRÄs dahje skoviin 3561 (www.ruokavirasto.fi).
Čuovusin:
– Fálaldat mohtorgielkká dahje njealjejuvllaga háhkamis
– Maŋimuš nannejuvvon vearuhanmearrádus
– Čilgehus boazodoalu boađuin
– Boamu boađusrehkenastin
– Bálgosa duođaštus ealliboazomearis
– Alit 35-proseantta doarjaga ozadettiin duođaštus bálgosa stivrra dohkkehan bargobeivviin
– Mohtorgielká: unnimustá 45 gielkábeaivvi/jahki, golbma maŋimuš jagis.
– Njealjejuvllat: unnimustá 30 njealjejuvllatbeaivvi/jahki, njeallje maŋimuš jagis.
– Čilgehus bargomuosáhusas skovi Lassedieđut-buohta 7.
Polura-doarjagat
Oza Polura-doarjagiid elektrovnnalaččat HYRRÄ-vuogádaga bokte (https://hyrra.ruokavirasto.fi/login.html) dahje skoviin 3561, mii gávdno Borramušdoaimmahaga siidduin (www.ruokavirasto.fi). Ohcanskoviid galgá doaimmahit Lappi EJB-guovddážii . Hyrrä geavaheapmái bálgosat dárbbašit Katso-dovddaldaga. Ohcamušaid gieđahallat doarjjabajiid mielde.
Doarjjabajit:
1) ođđajagimánu 16 beaivvis cuoŋománu 15 beaivái;
2) cuoŋománu 16 beaivvis geassemánu 15 beaivái;
3) geassemánu 16 beaivvis čakčamánu 15 beaivái;
4) čakčamánu 16 beaivvis ođđajagimánu 15 beaivái.
Loga ohcanrávvagiid fuolalaččat!
Doarjaga mávssaheami ohcan
Mávssaheapmi ohccojuvvo Hyrrä bokte dahje skoviin 3561M, mii gávdno Borramušdoaimmahaga siidduin (www.ruokavirasto.fi). Mávssahanohcamuša mielddusin dárbbašat kopiija rehkegis ja máksokuittes ja maiddái Boamus prentehusa oaivegirjjis dahje doalvun-siiddus, mas oidno ahte háhkkojuvvon rusttet lea dolvojuvvon notáhtaide.
