Vuäʹpstõs mušttat 12-2021
Vaaldâšm škooultõõzz riâžžât ǩeâđđa 2022
Teeʹmmen kuäʹss kuäʹss-a puäʒʒhåiddlääʹǩǩ, sååbbarvueʹǩǩ, puäʒʒloǥstõõǥǥ da peʹlljmiârk. Iʹlmmtõõttmõõžžid, äiʹǧǧtaull- di siiskõztuõivvjid väʹlddep vuâstta juʹn ååʹn, Anna-Leena (0400 388 560). Škooultõs čõõđtet, jõs vuässõõđi lie nokk.
Puäʒʒoummu cuâǥǥasstaan kurss mottai neʹttškooultõssân da tõt ääʹveet ođđeeʹjjmannu looppbieʹll. Lââʹssteâđ da liŋkk škooultõʹsse lââʹzztet Poronet-kääzzkõʹsse (www.paliskunnat.fi -> Poronomistajalle), ǥu kuurs ääʹveet.
Jiijjâs âânnnmõõzz hâʹdd
Jiijjâs âânmõʹsse valddum puäʒʒvueʹǯǯ piiđteʹmes hâʹdd puäʒʒhåiddeeʹjj 2021-2022 lij 8,50 €/kg. Jiijjâs âânnmõʹsse vuäǯǯ väʹldded ouddsid piiđtää 850 euro ooudâst. Jeeʹres lij ärvvlââʹsspiiđ vuâllsaž âânnmõs, 9,69 €/kg (älp 14 %).
Paalǥâskååʹdd tåimmooumaž
Muuʹšt iʹlmmted õhttvuõđteâđaid muttsin Paalǥâskååʹddi õhttõʹsse!
Iʹlmmtõõzz: 016 331 6000.
Tiʹlle piiltǩid ääiʹjbeäʹlnn
Pâi Paalǥâskååʹddi õhttõõzzâst tiʹllʼjum piiltâǩ meärkat piiltiǩrekisteera.
Tiʹllʼjõõzz: 016 331 6000
Pieʹnnid tuejjääm skääđ
Čiõʹlǧǧeep õõutâst Meäʹcchalltõõzzin, Šiilkõõskõõzzin da Mädd- da meäʹcctäälministeriain pieʹnnid puäʒʒtallu tueʹjjääm skääđaid da tueʹjjeep tõõzz kollʼjeei statistikkid. Iʹlmmet pieʹnnid tuejjääm skääđain addrõõzzâst: https://bit.ly/koiravahinko. Iʹlmmtemlomakk lij äävai ääʹl da tõõzz vuäitt vaʹstteed pirr eeʹjj.
Pääʹlǩtem tuâj listt (lääddas talkoolistat)
Puåđvuâđđlaʹsǩǩummuž pääʹõǩtem tuâj ǩeäʹppummuš õudldõssân lij, što lij raajjum tuâjjla nõʹmme nåkam pääʹlǩtem tuâj peiʹvvǩeʹrjj, koʹst vuäinn nõmm, šõddâmeeʹǩǩ, raajjum tuâj da tõid äiʹǧǧ. Puʹk pääʹlǩtem tuâj raajjâm vuäzzlaid pääʹlǩtem tuâj peiʹvvǩeeʹrjid feʹrtte õhtteed puåđvuâđđlaʹsǩǩummša. Pääʹlǩtem tuâj peeiʹv lie kooumnallšeeʹm: meärkkõs-, pikalõs- da jeeʹres pääʹlǩtem tuâj peeiʹv. Jeeʹres pääʹlǩtem tuâj peeiʹvin iʹlmmtet jeeʹres vueiʹtlvaž paalǥâskååʹdd nõʹmme raajjum peeiʹv, mâʹte vieʹssummušpeeiʹv da puõccuid tuejjääm škääđaid cõggmõʹšše õnnum peeiʹv. Pääʹlǩtem tuâj peeiʹvin paalǥâskååʹdd ij leäkku mähssam koʹrvvõõzz, leâʹša tõk lie raajjum paalǥâskååʹdd nõʹmme. Paalǥâskååʹdd såbbar da jiijjâs puäʒʒtuâj, håʹt mâka moottorǩeâlk leʹbe moottorpieʹǩǩi ruõkkmõš, kuånsttjeäʹvvez raajjmõš leʹbe vuõiggâdkaaupšummuš, jie leäkku pääʹlǩtem tuâjj. Muuʹšt tiuddeed čiʹlǧǧtõõzz: koʹst ja måkam tuâj leäk tuejjääm. Vännai pääʹlǩtem tuâj peiʹvvǩeeʹrjid jie priim ǩieʹppummšid.
Puäʒʒtuâjâst õnnum aauti ǩilomettar + mââivaaun!
Jeeʹres ǥu älp-ǩeäʹppummuš vuejjamneävvaivuiʹm vuõjjum puäʒʒtääl ǩilomettrin lij vueiʹtlvaž vuäǯǯad ǩilomettarǩeäʹppummuš puåđvuâđđlaʹsǩǩummšin. Mââivaaunâst lij vueiʹtlvaž vuäǯǯad 7 seʹntted lââʹssǩeäʹppummuš. Meärk pååđai tõk ǩilomettrid, ǥu mââivaaun lij leammaž aaut mââibeäʹlnn. Muuʹšt tiuddeed auttpeiʹvvǩeeʹrj puäʒʒtääl ǩilomettrin ja tååimat tõn paalǥâskådda älp-laskk mieʹldd.
Puõccui vuåkrjummuš
Puõccui vuåkrjummuš turismmpõrrǥaid ouddmiârkkân vueʹjjempuäʒʒan leʹbe tobddõõttâm täävtõõzzan lij piiđtuʹmmjest puäǯǯtäälâst jeeʹres, persoonlaž tååim. Jõs puõccui lääiktet, lij puåd puäʒʒoummu persoonlaž kapitaalpuåttjen piiđtam läikkpuåđ. Jõs äšša âhtt tuâj še, puåđ lij tiânâspuåttjen puåtti haʹŋǩǩummuštååim puåtti. Mõõnnmõõžž, mõõk âʹhtte puåttǥa, vuäitt ǩieʹppeed piiđtummšest (ouddmiârkkân mäʹtǩǩ-kuul, lieʹŋǧ da riâǥǥ da jeeʹres mõõnnmõõžž).
Paalǥâskååʹdd ääiʹdid kuddân âânnmõš tuärjjõš ooccâmnalla 15.1. räjja: Kõõjj teäʹǧǧââʹnnemarvvlõõzz ääiʹjbeäʹlnn
Täävtõssân lij vuäʹnkõs äiʹdd vuässõõzzid teevvmõš. Tuärjjõõzz ooccât HYRRÄst leʹbe teuʹddempõmmjin 3561. Puäǯǯtääll vuäʹpsteei vieʹǩǩte teäʹǧǧââʹnnemaʹrvvõõzz tuejjummšest. Čiõʹlǧǧed ouddǩiõʹtte kuddân âânnmõõžž kuul oouʹdab iiʹjjin.
Alggeeʹjj 2022 vääžnai peeiʹvid
Ođđeeʹjjmään
- Polura tuärjjõsperiodd poott
Täʹlvvmään
Paalǥâskooʹddi vaaldšeeʹm škooultõspeiʹvv.
Pâʹsslašttâm-mään
Čiõlǥtõs puäʒʒtääl puåttjin 2021 da ÄLP-lomaakk puäʒʒvuäʹmsteeʹji
- Veeʹresliišt tååimtet paalǥâskådda
Njuhččmään
- Polura tuärjjõsperiodd poott
Motorǩeâlkk- da motorpieʹǩǩiooccmõõžž
Motorǩeâlkk- da motorpieʹǩǩiveäʹǩǩvuõđi ooccmõõžž kannat tueʹjjeed 15.1 leʹbe mââimõõzzâst 15.4 puuʹđest ooccâmpooddâst. Täʹl tuärjjõõžžid lie võl teäʹǧǧ da vuäitak vuäžžad miõttâl tuʹmmstõõǥǥ. Motorǩeâlk- da motorpieʹǩǩiveäʹǩǩtuärjjõõzzid ooccât HYRRÄst leʹbe teuʹddempõmmjin 3561 (www.ruokavirasto.fi).
Meâlddõõzz
– Taʹrjjõs
– Mââimõsân nâânuum piiđtuʹmmstõk
– Čiõlǥtõs puäʒʒtääl puåđjest
– Pomu puäđõslaaskâlm
– Paalǥâskååʹdd tuõđštõs jieʹllempuõccu meäʹrest
– Ǥu ooccâk õllʼjab 35-proseeʹnt veäʹǩǩvuõđ tuõđštõs paalǥâskååʹdd halltõõzz priimmjõõvvum tuâjjpeeiʹvin
– Čiõlǥtõs tuâjjǩiõččlâsttmõõžžâst lomaakk Lââʹssteâđ-päikka 7.
Polura-veäʹǩǩteäʹǧǧ
Vuäǯǯad Polura-veäʹǩǩtieʹǧǧ neeʹttest HYRRÄ-systeeʹmest: (https://hyrra.ruokavirasto. fi/login.html) leʹbe teuʹddempõʹmmjin 3561, mii lij Ruokavirasto seeidain (www.ruokavirasto.fi). ooccâmäʹššǩeeʹrjid tååimtet Lappi ELÝ-kõõskõʹsse. Paalǥâskååʹdd taarbše Hyrrä âânnmõʹšše Suomi.fi-kooddid. Puättam ooccmõõžžid riõššât tuärjjõspââʹj mieʹldd.
Tuârjjõspââʹj:
ođđeeʹjjmannu 16. peeiʹvest njuhččmannu 15. peivva
njuhččmannu 16. peeiʹvest ǩieʹssmannu 15. peivva
ǩieʹssmannu 16. peeiʹvest čõhččmannu 15. peivva
čõhččmannu 16. peeiʹvest ođđeeʹjjmannu 15. peiva
Looǥǥ ooccâmvuäʹppõõzzid tääʹrǩ!
Veäʹǩǩtieʹǧǧ mähssmõõžž ooccâm
Mâhssmõõžž ooccât HYRRÄst leʹbe teuʹddempõʹmmjin 3561, mii lij Ruokavirasto seeidain (www.ruokavirasto.fi). Mâhssmõšooccmõõžž õhttõssân taarbšak kopio laaskâst da mähsskuuitâst di Pomust kopio vueiʹvvǩeeʹrjest leʹbe viikkmõõžž-seeidast, koʹst vuäinn, što aparatt lij pââjaspiijjmõõžžin.
