Vuäʹpstõs mušttat 8-2021

Polura- veäʹǩǩtieʹǧǧ

Vuäǯǯad Polura- veäʹǩǩtieʹǧǧid juʹna nee’ttest HYRRÄ-systeeʹmest (https://hyrra.ruokavirasto.fi/login.html) leʹbe teuʹddempõʹmmjin nr 3561, mii käunnaati Porrmõškonttâr seeidain (www.ruokavirasto.fi). Veʹrǧǧpõʹmmjid âlgg tååimted Lappi JJB-kõõskõʹsse. Ooccmõõžžid ǩiõttʼtõõlât tuärjjõspõõʹjin.

Tuärjjõspââʹj:

1) ođđeeʹjjmannu 16 peeiʹvest njuhččmannu 15 peivva;

2) njuhččmannu 16 peeiʹvest ǩieʹssmannu 15 peivva;

3) njuhččmannu 16 peeiʹvest čõhččmannu 15 peivva;

4) čõhččmannu 16 peeiʹvest ođđeeʹjjmannu 15 peivva.

5) Looǥǥ ooccâmvuäʹppõõzzid tääʹrǩeld!

Veäʹǩǩtieʹǧǧ määustõõzz ooccâm

Määustõõzz vuäǯǯeet HYRRÄst leʹbe teuʹddempõʹmmjin 3561M, mii käunnai Porrmõškonttâr seeidain (www.ruokavirasto.fi). Määustõsooccmõõžž õhttõssân taarbšak kopio laaskâst, mähsskuuiʹtest da Pomust kopio vueiʹvvǩeeʹrjest leʹbe viikkmõõžž-seeidast, koʹst vuäinn, što aparatt lij vikkum ǩeeʹrj ool piijjmõʹšše.

NeuvontaLive

NeuvontaLivest da jeeʹres ääiʹjpoddsaž aaʹššin teâđtet õhttõõzz neʹttseeidain Vuäʹpstõs-sââʹjest da Py porotalousneuvonta -nõmmsaž Facebook-jooukâst. Seuʹrre iʹlmmtõõzzid!

Äiʹddteäʹǧǧââʹnnemarvvlõs

Kõõjj teäʹǧǧââʹnnemarvvlõõzz ääiʹjbeäʹlnn ouddâl čõõuč da tääʹlv pikalõsǩirrsid, jõs täävtõsân lij kueʹđđed teäggtõsooccmõš tuärjjõspââʹjest, mii poott 15.1.2022.

Pieʹnnid tuejjääm skääđ

Iʹlmmet pieʹnnid tuejjääm skääđain addrõõzzâst: https://bit.ly/koiravahinko. Iʹlmmtemlomakk lij äävai ääʹl da tõõzz vuäitt vaʹstteed pirreeʹjj.

Paalǥâskååʹdd tåimmooumaž

Mooštak-a iʹlmmted õhttvuõđteâđaid muttsin Paalǥâskooʹddi õhttõʹsse!

Tiʹlle piiltǩid ääiʹjbeäʹlnn. Õhttõõzz pääiʹǩ tiʹllʼjuum piiltǩid mieʹrǩǩeet piiltâǩrekisteera. Tiʹllʼjõõzz Sirpa Valkama, 016 331 6000.

Čõhččǩieʹzz mošttlistt

Čõhččmään

9.-10.9.2021 Puäʒʒoummuid pueʹrrvââjjampeeiʹv, Luosto
15.9.2021 Polura tuärjjõspââʹjj poott
30.9.2021 Puåđvuâđđlaaskâlmid mââimõs maacctõspeiʹvv
Paalǥâskooʹddi čõhččsååbbar