Jotolâhvahâgeh

Luodah já ryevdikiäinuh luádduh poccui eellimpirrâsijd já kuáttumenâmijd. Puásuipäärtih tábáhtuveh ihásávt sehe luoddâ- já ryevdikiäinujotoluvvâst. Pärttimereh molsašudeh čuuvtij, tastko eereeb iärrás šooŋah vaigutteh ennuv poccui varriistâlmân luodâi já ryevdikiäinui alne. Stuárráámus riskâ pärttidiđ poccuin láá skammâmáánu, juovlâmáánu já uđđâivemáánu.

Liähu eromâš várugâs täin stuorrâ pärttiriiskâ luodâin:

  • Riijkâkiäinu 20 kooskâst Panumanjärvi-Taivalkoski
  • Riijkâkiäinu 5 kooskâst Kuáccám-Ruka
  • Maadâkiäinu 82 kooskâst Vikajärvi-Kiemâjävri
  • Riijkâkiäinu 4 kooskâst Ruávinjargâ-Suáđikylá
  • Maadâkiäinu 79 Ruávinjargâ-Kittâl kooskâst
  • Riijkâkiäinu 21 kooskâst Kihlanki-Muonio
  • Riijkâkiäinu 4 Vuáčču-Avveel kooskâst

Stuorrâ puásuipärttiaaštâ

Suomâst Jotolâhvaahâgkuávdáš (JVG) sajanpuátá puásuiomâsteijei jotolâhvahâgist monâttum poccuu. Jis poccuu iäigád ij pyevti selvâttiđ, lonnáás uážžu tábáhtussaje paalgâs. Vaahâg tovâtteijee ij lah sajanmáksuovdâsvástádâs poccust.

JVG sajanmáksá meiddei olgoeennâmlâš vuájáán tovâttâm puásuivahâgijd. Puásuipäärtist tovâttâm vyeijimrustig vahâgijn teikkâ olmoošvahâgijn occoo lonnáás vuájáán jieijâs jotolâh- já kaskotáhádâsâst. Vuáđujurdust auto teikkâ juna vuálá pááccám poccust puáttee monâttus lii puásuiomâsteijei ain stuárráb ko luhottesvuođâst monâttum poccuu sajanmáksuárvu. Eromâšávt pyevtittee avveest monâttum šovâttempoccui sajanpuáttám uđđâ poccuin lii njuásis hommá: niŋálâsvyesi šovâttemihán šoddâdem kolá ucemustáá kulmâ ive.

 

Palgâsij ovtâstus, palgâseh já puásuiulmuuh keččâleh aktiivlávt selvâttiđ vuovij puásuipaartijd keeppidmân. Poccuid kuáđuttuvvoo meddâl kiäinui alda. Iivij mield lii keččâlum maaŋgâlágán vuovij vahâgijd coggâmân, mut pehtilis vyevi iä lah val kavnum.

Poccuid riäidudem širottâsčevepaadijn puáhtá joba lasettiđ vaahâgriiskâ, ko vyeijee jurdá širottâspäddipoccuu lii olmooš. Majemuš širottâsiskâdem lii tohhum ive 2014, kuás mááláim poccui čoorvijd širottâsmaalijn. Širottâsmáálámiskâdem lii uážžum huámmášume mediast maailm vijdodâhlávt (Helsingin Sanomat NYT 17.2.2014), nuuvt et tot tooimâi puoh viijđásumos jotolâhčuovviittâskampanjan. Maalâ nanosvuođâst já kevttimist láá vädisvuođah, tondiet nanosub tuáimee puohtuu puovtâovdedem juátkip ain äššist kiddiistum irâttâsâiguin.

Joođoost lii meid Puásuipärttiváruttâsâi vaikuttâsah -kieddiiskos, moin keččâlep čuávdiđ jotoluvvaahâgvädisvuođâid teknologiain.