Jotolâhvaahâgárvuštâllee

Jotolâhvaahâgárvuštâllee lii palgâs almolii čuákkim valjim olmooš, kote tuáimá puásuituálulaavâ 51 § mield táhádâsâin.

Puásuipäärtist almottuvvoo jo-uv njuolgâdis teikkâ poolis teikkâ puásuiomâsteijee peht vahâgij árvuštâllei. Árvuštâllee iälá ájáttâlhánnáá tábáhtussaajeest täärhistmin almottâs lamašuvvâm poccust já merkkee muušton vaahâg uásipeelij tiäđui, parga vaahâgalmottâs já almoot tábáhtusâst äššiomâhâš puásui-iäigádân.

Päärtist lammâšum poccuu jotolâhvaahâgárvuštâllee teikkâ máhđulávt eres puásuiulmuuh keččâleh kavnâđ nuuvt jotelávt ko máhđulâš. Árvuštâllee huolât rááđu meddâl. Rááđu tuššâdmist huámmášumán váldoo pirâsvirgeomâháá ravvuid. Uáiviääšist rááđuh hávdáduvvojeh.

Jotolâhvaahâgkuávdáš sajanmáksá päärtist monâttum poccuu. Poccui sajanmáksuáárvuh meriduvvoo puásuišlaajâ mield koskâtiädu, koskâmiärálâš kiluhade já šovâttemkiärdum mield. Sajanmáksuáárvuh meriduvvojeh ihásávt. Lones máksoo palgâsân, mii máksá ton ovdâskulij vaahâg killám puásuiomâsteijen.