Prošeaktadoaibman

Geavahusasteamet leat guokte guovddáš prošeaktaruhtadeami kanála boazodoalu ovddideami várás.

Vuosttaš lea EU vejolaštan ovddidanprošeaktadoaibman, man váriid ohcat dábálaččat EJB-guovddáža bokte. Dáid ruhtadangálduid leat dovdan jagiid mielde EU ráhkadusfoandan, nugo eanandoalu stivren- ja doarjjafoandan, sosiálafoandan, guovloovddidanfoandan ja Eurohpá dálonguovllu ovddidanfoandan. Riikkaidgaskasaš prošeavttat leat fas Interreg-, TACIS- ja Kolarctic-prográmmat.

Nubbi guovddáš ruhtadankanála lea eana- ja vuovdedoalloministeriija Eanandoalu ovddidanfoanda. Dát prošeavttat leat ealáhussii laktáseaddji čielggadusat ja dutkamušat.

Boazoealáhus lea geavahan buot máinnašuvvon foanddaid 2000-logus. Duohken leat guhttalogi ovttastusa miehteváikkuhusain ollašuhtton EU-oasseruhtadan ovddidanprošeavtta, moaddelogi Eanandoalu ovddidanfoandda ruhtadan dutkanprošeavtta ja moaddelogi eará foandda vehkiin ollašuhtton prošeavtta.

Prošeaktadoaibma álggahuvvui jahkeduháha jorggáldagas golmma oaivelinnjá bokte. Dát ledje bohccobierggo smávvagovddideapmi, boazodálloturista ja ADG. Dán áigge Bálgosiid ovttastusa prošeaktakárttas leat 12 linnjá, go ovddežis dadjon lassin prošeaktadoaimma guovddážii leat lokten skuvlejumi, kvalitehta, lassebiebmama, riikkaidgaskasaš ovttasbarggu, márkanastima, boazodolliid bargiburesbirgejumi, spiriid, boazobárttiid ja eanangeavaheami.

Roavva árvalusaid mielde prošeavttaid hámis boazodoalu ovddideapmái geavahuvvon ruhtamearri lea measta 10 miljovnna euro. Prošeaktaváriid vehkiin leat sáhttán testet, ovddidit ja skuvlet – bissut ovdáneamis mielde.