Bálgosiid ovttastusa prošeavttat

Bálgosiid ovttastus álggahii ovddidanprošeaktadoaimma jagis 1999.

Jagiid mielde prošeaktadoaimma hápmi lea rievdan. Álgojagiin ollašuhtiimet boazoprošeavttaid iehčanasat. Das maŋŋá doibmii bohte ovttasbargoguoibmin mielde eará oassebealit, dego oahppolágádusat ja gielddat, ja leat váldán muhttin prošeavttaid háldduset. Maŋimuš jagiin leat vudjon boazoprošeaktadoaimma beaktilis plánemii, koordineremii ja prošeaktaruhtadeami ohcama veahkeheapmái. Prošeavttat leat čađahuvvon eanáš eará organisašuvnnaid bokte.

Bálgosiid ovttastusa prošeaktadoaibma lea leamaš virkui ja leat ožžon áigái dainna máŋggaid buriid ovdánahttimiid earret eará biergguovdánahttimis. Boahttevuođa hástalussan prošeaktadoaimma ovddideamis lea bálgosiid iežaset prošeaktadoaimmaid johtui fidnemis. Báikkálaš dárbbuin vuolgi prošeavttat vástidivčče buoremusat iešguđet guovllu áiggedássidis dárbbuide. Bálgosiin eai leat dávjá doarvái stuorra resurssat hálddašit prošeavttaid, muhto potentiálalaš prošeaktaplánaid dahkkit ja prošeavttaid jođiheaddjit gávdnojit juohke bálgosis. Prošeavttaid hálddašeaddjin heivešii bures maid eará báikkálaš bealli, ovdamearkan gielda. Dakkár prošeakta ollašuhtášii maid EU lagasprinsihpaid.