Bálgosiid ovttastusa čađahan prošeavttat
Bohccobiergu 2020
Bálgosiid ovttastusa ollašuhtán EU -oasseruhtadan Bohccobierggu buvttadeami, ovddideami ja skuvlejumi buorit vuogit jahkái 2020-prošeakta (Bohccobiergu 2020) nogai 30.9.2014. Das huksejuvvui ovdánahttima rámmat bohccobierggu buvttadeapmái, ovddideapmái ja bohccobiergosuorggi skuvlejupmái boahttevaš EU-prográmmaáigodahkii. Prošeakta jotkkii 2000-logu álggus dahkkon bohccobiergosuorggi ovdánahttinbarggu. Das ollašuhttui viiddes dálá dili čielggadus ja dárbokárten. Dárbokártemiin loktojuvvui deháleamos temát ja hástalusat ovdánahttindoaimmaide.
Jahkebeali prošeavtta ruhtadii Lappi EJB-guovddáš EU dálonguovllu ovdánahttima eanandoallofoanddas. Prošeaktajođiheaddjin lei Anna-Riikka Lavia. Boazodoalu ovddasteaddjin stivrenjoavkkus ledje Janne Mustonen ja Antti Vuolo, ovttastusa ovddasteaddjin Jukka Knuuti ja Matti Särkelä.
PoroYVA -prošeakta
Iešguđetlágan industriijalaš eanangeavahussii, nugo ruvkedoibmii sihke lavdnje- ja bieggafápmobuvttadeapmái laktáseaddji prošeavttat leat lassánan boazodoalloguovllus maŋimuš jagiin jođánit. Industriijalaš eanangeavaheapmi heajuda vealttakeahttá boazodoalu eallineavttuid go cuvke guohtuneatnamiid ja dagaha boazodollui lassebarggu ja -goasttádusaid. Buoridan dihte boazodoalu dili ja ovddalgihtii eastadit dahkkojuvvui ofelaš boazodoalu geahčadeapmái eanangeavahanprošeavttain (PoroYVA-ofelaš). Ofelačča bargamii oassálaste iešguđet eanangeavaheddjiin ja eiseválddiin hábmejuvvon bargojoavkku lahtut.
Ofelaš lea vuhtiiváldon earret eará birasministeriija ja bargo- ja ealáhusministeriija Kaivosten YVA-ofelačča beaivádeamis sihke Málmmaohcama ja ruvkedoaimma suodjalanguovlluin sihke sápmelaččaid ruovttuguovllu ja boazodoalloguovllus-ofelačča beaivádeamis.
Prošeakta ruhtaduvvui Lappi lihtu hálddašan Lappi eanangotti ovdánahttinruđain ja dat ollašuhttui 1.11-2011-28.2.2013. Prošeaktajođiheaddjin lei Marja Anttonen ja ovttastusa ovddasteaddjin stivrenjoavkkus lei Matti Särkelä.
Birasministeriija jorgalahtii ofelačča eaŋgalas- ja ruoššagillii. (PoroYVA -giellaveršuvnnat)
PoroYVA -ofelačča lebben
PoroYVA -prošeavtta jotkojuvvui lebbemin PoroYVA -ofelačča diehtoskuvlejumi hámis iešguđet eanangeavaheaddji- ja eiseváldeovddasteddjiide. Prošeakta ollašuhttojuvvui Lappi eanangotti ovdánahttinruđain gaskkal 1.10.2013-30.6.2014. Prošeaktajođiheaddjin lei Marja Anttonen ja ovttastusa ovddasteaddjin stivrenjoavkkus lei Matti Särkelä.
Bohccobierggu vuovdinovdánahttin
Bohccobierggu vuovdinovdánahttinprošeavttaid leat ollašuhttán jagi 2004 rájes oktiibuot logi. Prošeavttat leat leamaš eanáš jagi guhkkosaččat. Prošeavttaid olis leat ovddidan bohccobierggu dovddusvuođa, imago ja máŋggabealat geavahanvugiid. Dálá áigge bohccobiergu lea allaárvosaš ja beakkán kvalitehtalaš borramuša ávnnas.
Vuovdinovdánahttinprošeavttain leat bargan ja almmuhan earret eará boazoreseaptagihppagiid ja ofelaččaid, ollašuhttán www.pororeseptit.fi -siiddu, organiseren boazogohkkengilvvuid ja doaimmaheaddjigalledemiid, ordnen iešguđetlágan bohccobirgui ja boazodollui oahpásnuhttima dilálašvuođaid ja muitalan bohccobierggu iešvuođain máŋggalágan dilálašvuođain, dáhpáhusain ja artihkkaliin.
Vuosttaš vuovdinovdánahttinprošeakta ollašuhttui Lappi EJB-guovddáža hálddašan guovlulaš dálonguovllu ovddidanprográmma váriin. Dan maŋŋá ruhtadeapmi leat ožžon eana- ja vuovdedoalloministeriija eanandoalubuktagiid márkanastima ja buvttadeami ovdánahttima váriin. Prošeavttain prošeaktajođiheddjiin leat leamaš Erkki Viero, Meeri Ylinampa, Pihla Väänänen ja Matti Kotakorva. Prošeavttaid čuvvonjoavkkuin leat leamaš sihke stuorra ja smávva bohccobiergoovddideddjiid ovddasteaddjit, ovttastusa ovddasteaddjin prošeavttain leaba leamaš Pertti Viik ja Anne Ollila.
