Bálgosiid ovttastusa doaibmi prošeavttat

Bálgosiid ovttastusas leat jođus guokte iežas iskkadeami, maidda ii leat vuos ohccon olggobealde prošeaktaruhtadeami.

Jagis 2012 álggaheimmet www.porotyot.fi -iskkadeami, mas bálgosat ieža almmuhit báikediehtoheivehusa vehkiin áigedássidis dieđuid boazobargguin meahcásteddjiide. Ulbmilin lea ovddalgihtii eastadit meahcásteddjiid, erenomážit meahcástanbeatnagiid, ja bohccuid problemáhtalaš deaivvademiid. Iskkadeapmi lea jođus ovcci bálgosis Gaska-Lappi guovllus, gos meahcástanbeatnagat dagahit erenoamáš ollu boazovahágiid jahkásaččat. Álgobohtosat leat govttolaččat.

Nubbi iskkadeamát ulbmilin lea ovddalgihtii eastadit johtolatvahágiid. Giđđat 2014 iskkaduvvui áidebohccuid čorvviid málema šleđggonsprayamálain. Iskkadeapmi geasuhii ollu olbmuid ja leavai diehtofirpmiid ja sosiálalaš media bokte olles máilmmi mediai. Ođđasat iskkadeamis almmuhuvvojedje buot eananosiin, gitta Ásias, Afrihkás ja Mátta-Amerihkás. Čorvviid málemii ja seammás bohccuide ja boazodollui leat iskkadeami olis fitnan oahpásnuvvamin nuppelogi riikkaidgaskasaš govvenjoavkku ja ođđa oahpásnuvvamiid lea sohppojuvvon ain. Mála bissun bohccuid čorvviin sáhtášii leat buoret, muhto ovdánahttinbarggu jotkkežit ain. Šleđggonmálaiskkadeapmi lea goittot juo dál ožžon áigái buot stuorámus johtolatčuvgehuskampánja.