Ovtâspargokuoimij tuáimee projekteh

Puásuipärttiváruttâsâi vaikuttâsah -kieddiiskos

Puásuipärttiváruttâsâi vaikuttâsah, kieddi-iskos (PoroFOT) projektist porgâp puásuipaartij kepidem oovdân. Taat tábáhtuvá kyevti vuovvijn:

1) Jotolâhvaahâgárvuštâlleeh (puásuiulmuuh) piejih puásuipaartijd elektronlâš káártán, kost tiätu sirdâšuvá kiäinu oolâ, el. uđđâsumosij avdoi TMC-navigaattorrustigij larmâdâsân: (elleeh kiäinu alne)

2) Proojeekt mield porgâđ reaaliáigásâš váruttem oovdân poccui pirrâ jiermipuhelin peht.

Proojeekt uáiviruttâdeijee lii Liikenteen turvallisuusvirasto (Trafi). Eres ruttâdeijeeh láá Lappi já Davvebađaeana EJB-kuávdááh, Jotolâhtoimâttâh já palgâsij ovtâstus. Proojeekt haaldâš Teknologia tutkâmlájádâs (VTT) já ton olášuttemáigádâh lii 1.8.2013-31.10.2015. Proojeekt proojeektjođetteijen lii Elina Aittoniemi, sajetiätuäššitobden Ahti Lahtela já ovtâstus ovdâsteijen stivrimjuávhust Matti Särkelä.

Puásuiaaiđij pivdoelleetorvolâšvuotâ -proojeekt

Puásuiaaiđij pivdoelleetorvolâšvuođâ -proojeekt ulmen lii puovtâdiđ tiäđu pivdoellei peeškitmist aiđijd. Eromâšávt eennâmluudijd herkkilávt lammâšuveh teikkâ jäämih peeškitmist aaiđijn. Nubbe tááhust meiddei sorvâelleeh vahâgitteh aaiđijd já lasetteh aaiđij tivvoomtáárbu. Projektist viärdádâlloo jieškote-uvlágán merkkimvuovij pehtilvuođâ estiđ peeškitmijd toi huksim- já materiaalkuástádâsâi já eres jiešvuođâi tááhust.

Ulmen lii selvâttiđ nanos, pirâsustevlâš já kuástádâspehtilis merkkimvyevi peeškitmij kepidem tiet. Projektân väljejum tutkâmääiđih láá Lappi eennâmkoddeest Ruávinjaargâst Ucjuuhân. Proojeekt uáiviruttâdem puátá Laapi EJB-kuávdáá peht Euroop ovdedemruttâráájust já eres ruttâdeijeeh láá Laapi ollâopâttâh, Meccihaldâttâs já Pivdoellee- já kyelitutkâmlájádâs. Proojeekt haaldâš Laapi ollâopâttuv arktâlâš kuávdáš já taan olášuttemáigádâh lii 1/2014 – 4/2015. Projektist proojeektjođetteijen lii Markku Vierelä, sämitige ovdâsteijen stivrimjuávhust lii Heikki Paltto já ovtâstus ovdâsteijen Matti Särkelä.