Palgâsij ovtâstus olášuttám projekteh

Poccuupiärgu 2020

Palgâsij ovtâstus olášutám EU –uásiruttâdem Poccuupiärgu puovtâdem, ovdedem já škovlim šiev vyevih ihán 2020-proojeekt (Poccuupiärgu 2020) nuuvâi 30.9.2014. Tast huksejui ovdedem raamih poccuupiärgu puovtâdmân, oovdedmân já poccuupiärgusyergi škovliimân puáttee EU-ohjelmáigádâhân. Proojeekt joođhij 2000-lovo aalgâst tohhum poccuupiärgusyergi ovdedempargo. Tast olášuttui vijđes tááláá tile čielgâdâs já tárbukarttim. Tárbukarttimijn luptui tehálumosijd teemaid já hástusijd ovdedemtooimâi várás.

Ihepele proojeekt ruttâdij Laapi ELY-kuávdáš EU tálulâškuávlu ovdedem eennâmtuáluruttâráájust. Proojeektjođetteijen lâi Anna-Riikka Lavia. Puásuituálu ovdâsteijen stivrimjuávhust láin Janne Mustonen já Antti Vuollu, ovtâstus ovdâsteijen Jukka Knuuti já Matti Särkelä.

PoroYVA -proojeekt

Jieškote-uvlágán ráhtálâšvuođâlâš eennâmkiävtun, nuuvtko kuáivuttâhtooimân sehe lavŋe- já pieggâvyeimipuovtâdmân lahtâseijee projekteh láá lasanâm puásuituálukuávlu majemuin iivijn jotelávt. Ráhtálâšvuođâlâš eennâmkevttim hiäjud aainâskin puásuituálu eellimiävtuid ko cyevkkee kuáttumenâmijd já toovvât puásuituálun lasepargo  já -kuástádâsâid. Pyerediđ puásuituálu tile já muuneeld estiđ vahagijd, Palgâsij ovtâstsus raahtij uápisteijee puásuituálu kejâdmân eennâmkevttimprojektáin (PoroYVA-uápisteijee). Uápisteijee rähtimân uásálistii sierâ eennâmkevttein já virgeomâháin hämmejum pargojuávhu jesâneh.

Uápisteijee lii valdum huámmášumán eereeb iärrás pirâsministeriö já pargo- já iäláttâsministeriö Kaivosten YVA-uápisteijee peividmist, maalmâuuccâm já kuáivuttâhtooimâ suojâlemkuávluin sehe sämmilij päikkikuávlust já puásuituálukuávlu-uápisteijee peividmist.

Proojeekt ruttâdui Laapi lito haldâšâm Laapi eennâmkode ovdedemruuđáin já tot olášuttui 1.11-2011-28.2.2013. Proojeektjođetteijen lâi Marja Anttonen já ovtâstus ovdâsteijen stivrimjuávhust lâi Matti Särkelä.

Pirâsministeriö jurgâlitij uápisteijee engâlâš- já ruošâkielân. (PoroYVA -kielâversioh)

PoroYVA -uápisteijee lebbiim

PoroYVA -proojeekt jotkui lebbiimin PoroYVA -uápisteijee tiätuškovlim häämist sierâ eennâmkevttee- já virgeomâhâšovdâsteijeid. Proojeekt olášuttui Laapi eennâmkode ovdedemruuđáin 1.10.2013-30.6.2014. Proojeektjođetteijen lâi Marja Anttonen já ovtâstus ovdâsteijen stivrimjuávhust lâi Matti Särkelä.

Poccuupiärgu vuábduovdedem

Poccuupiärgu vuábduovdedemprojektij láá olášuttám ive 2004 rääjist ohtsis love. Projekteh láá lamaš iänááš ive kukkosiih. Projektij mield lii ovdedum poccuupiärgu tobdosvuođâ, imago já maaŋgâpiälálijd kevttimvuovijd. Tááláá ääigi poccuupiärgu lii ollâárvusâš já tobdos kvaliteetlâš purrâmuš aamnâs.

Vuábduovdedemprojektáin lii porgum já almottum eereeb iärrás puásuireeseeptvihkoid já uápisteijeid, olášuttám www.pororeseptit.fi -siijđo, orniim puásuikokkâkištoid já toimâtteijeekollimijd, orniim jieškote-uvlágán poccuupiärgun já puásuituálun uápásmem tilálâšvuođâid já muštâlum poccuupiärgu jiešvuođáin maaŋgâlágán tilálâšvuođâin, tábáhtusâin já artikkâislijn.

Vuosmuš vuábduovdedemproojeekt olášuttui Laapi ELY-kuávdáá haldâšâm kuávlulâš eennâmkuávlu ovdedemohjelm vaarijn. Ton maŋa ruttâdem lii puáttám eennâm- já vyevdipiđoministeriö eennâmtuálupuohtui markkânistem já puovtâdem ovdedem vaarijn. Projektijn proojeektjođetteijein láá lamaš Erkki Viäru, Meeri Ylinampa, Pihla Väänänen já Matti Kotakorva. Projektijd čuávvumjuávhuin láá lamaš sehe stuorrâ já smavvâ poccuupiärguovdedeijei ovdâsteijeeh, ovtâstus ovdâsteijen projektijn lává lamaš Pertti Viik já Anne Ollila.