Palgâsij ovtâstus tuáimee projekteh

Palgâsij ovtâstusâst láá joođoost kyehti jieijâs iskâm, moid ij lah val uccum ulguubeln proojeektruttâdem.

Ive 2012 aalgijm www.porotyot.fi -keččâlem, mast palgâseh jiejah almotteh sajetiätuheiviittâs iššijn ääigitásásâš tiäđuid puásuipargoin miäcásteijeid. Ulmen lii muuneeld estiđ miäcásteijeid, eromâšávt miäcástempennuid, já poccui muálkkáás teivâdmijd. Keččâlem lii joođoost oovce palgâsist Koskâ-Laapi kuávlust, kost miäcástempennuuh tovâtteh eromâš ennuv puásuivahâgijd ihásávt. Algâpuátuseh láá kuáhtuliih.

Nubbe keččalmâd ulmen lii muuneeld estiđ jotolâhvahâgijd. Kiđđuv 2014 iskâdui äiđipoccui čoorvij máálám širottâsspraymaaláin. Keččâlem kiäsuttij ennuv ulmuid já laavdâi tiätuviermij já sosiaallâš media peht ubâ maailm median. Uđđâsub keččâlmist almottuvvojii puoh eennâmoosijn, meid Aasiast, Afrikast já maadâ-Amerikast. Čoorvij máálámân já siämmást poccuid já puásuituálun lii keččâlem mield iällám uápásmuumin kyehtlov almugijkoskâsijd kuvvimjuávhuid já uđđâ uápásmuumijd lii sooppum ain. Maalâ pisom poccui čorvijn puávtáččij leđe pyereb, mut ovdedempargoh jođhižeh ain. Širottâsmaalâkeččâlem lii kuittâg jo tääl uážžum ááigán puoh stuárráámus jotolâhčuovviittâskampanja.