Lavŋepuovtâdem

Jeegih láá tehálâš kesikuáttumenâmeh já kyeddimkuávluh poccuid já. Šadolâš jeegijn lii valjeest purrâmuš. Jolgâdis já piegâst enâmin toh kiäsutteh poccuid uuccâđ syeji tiivrijn.

Lavŋepuovtâdemkuávloid roggoo táválávt čieŋâlis, ciägusroobdah ravvijd, mast čäciuáivi luptân pajas. Ravvijn rävis poccuu jyelgih iä ole mođe čoođâ poonán, vyesi ij tomgin verd maid rävis puásui. Poccui jotoluvâid potkâneijeid ravvijd koččâm poccuu lii távjá väädis teikkâ máhđuttem peessâđ raavist meddâl. Eromâšávt vyesih hevvâneh lavŋepuovtâdemkuávlui ravvijd.

Lavŋejeegi ciägus robdâ já varâlâš kuáivuttâh

Lavŋepuovtâdem vuáváádijn lii tehálâš et äššiomâhâš palgâs lii proojeekt algâmudoi rääjist mieldi. Poccui vahâgijd kalga keččâliđ estiđ huksiimáin ramppijd tuárvi távjá. Motomin puáhtá meid puovtâdemkuávlu áiđum leđe tarbâšlâš. Áiđum tarbâslâšvuođâst já vaikuttâssáin lii ain pyeri savâstâllâđ äššiomâhâš palgâsijn.

Lavŋepuovtâdemkuávlu monnjâkeevvâm stivrejuvvoo kaavam já eres eennâmkevttim vuávám vuovvijn nuuvt, et tot ij toovât lasehemâdâsâid puásuituálun. Lavŋepuovtâdmist kiäsádâttum enâmeh kalgeh ovdâsaajeest macâttiđ luándutilán. Eres tárguttâsân valdum kuávlui kiävtust ij uážu puáttiđ palgâsân koloid teikkâ pisovâš kuávlumonâttâsâid.

Lavŋepuovtâdemkuávlui monnjâkeevvâm eennâmtuáluenâmin ij heivii puásuituálukuávlun, tastko tot puávtáččij tovâttiđ merettem áiđumkenigâsvuođâid já koloid äššiomâhâš palgâsân.