Bálgosiid ovttastus
Bálgosiid ovttastus lea boazodoalu stivren-, rávven- ja áššedovdiorganisašuvdna.
Bálgosiid ovttastusa doaibman lea boazodoallolága (PHL 848/1990) mielde:
- doaibmat bálgosiid oktavuođačanasin;
- ovdánahttit boazodoalu;
- ovddidit boazodoalu dutkamuša, boazodollui guoskevaš geahččalandoaimma ja bohccoovddosdikšuma; sihke
- doaimmahit eará dasa muddejuvvon dahje mearriduvvon doaimmaid (PHL 20.1 §).
Bálgosiid ovttastus:
- Rávve bálgosiid, boazoeaiggádiid, čanusjoavkkuid ja riikavuložiid bohccuide guoskevaš jearaldagain
- Almmustahttá Poromies-bláđi ja eará boazodoalu diehtomateriála
- Ordne ráđđádallan-, diehtojuohkin- ja skuvlendilálašvuođaid
- Dahká álgagiid láhkaásaheami ja hálddahusa suorggis boazodoalu ovdánahttima dihte
- Ovddida bálgosiid ovttasdoaimma
- Váikkuha boazodollui čatnašuvvi eará ealáhusaide ja čanusjoavkkuide boazodoalu doaibmaneavttuid seailluhan dihte.
- Doarju boazodoalu dutkandoaimma ja doalaha Kutuharju boazodutkangárddi
- Vástida váldegottiid gaskasaš rádjeboazocagganáiddiin
- Doaibmá virgeoapmahažžan boazomearkaáššiin
Bálgosiid ovttastusa lahtut leat buot bálgosat lágas mearriduvvon.
Bálgosat geavahit mearridanválddiset ovttastusa čoahkkimis (PHL 20.2 §). Ovttastusa ráđđehus ja áirrasčoahkkin dohkkehit jahkásaččat doaibmaplána ja bušeahttaárvalusa, main bohtet ovdan Bálgosiid ovttastusa doaimmat. Bálgosiid ovttastusa aitosaš čoahkkin, nappo Boazoparlameanta, dollojuvvo oktii jagis geassemánu álggus.
Lappi ealáhus-, johtolat- ja birasguovddáš vástida Bálgosiid ovttastusa boađustivremis. Jahkásaččat dahkkon boađussoahpamušas meroštallojuvvo ovttastusa dárkkit doaimmat.
