Váldegottiid gaskasaš rádjeboazocagganáiddit

Bálgosiid ovttastus vástida rádjeboazocagganáiddiid bajásdoallamis ja vuođđodivvumis váldegotti rájiin eana- ja vuovdedoalloministeriija bargogohččosis. Boazoáiddit leat huksejuvvon Ruošša ja Norgga rájiide. Daid ulbmilin lea doarjut bohccuid guođoheami ja caggat bohccuid johtima váldegottiid rájáid badjel. Norggain áiddi bajásdoallat juhkkojuvvon ovddasvástádusguovlluid mielde. Ruošša rájis boazocagganáiddiid huksemis ja bajásdoallamis vástida Suopma.

Ruošša ja Norgga rájáin leat oktiibuot 1200 kilomehtera áiddi. Ruošša rájás lea áiddi 750 km ja Norgga rájás 450 km. Huksen- ja divodangolut máksojuvvojit boazodoallolága (848/1990) 39.3 § mielde stáhta váriin. Áiddit vuođđuduvvet riikkaid gaskasaš stáhtasoahpamušaide.

Bálgosiid ovttastusa bálvalusas leat 54 oasseáigásaš áideolbmo 20 sierra bálgosa guovllus cagganáiddiid ja bargoeanaásodagaid huksema ja divodeami várás. Vuođđodivodeapmái bálkáhuvvo dasa lassin jahkásaččat dárbbašlaš mearri veahkkebargoveahka. Barggu jođiha ja organisere áidebargojođiheaddji.

Áideolbmuid ja bargonjunnoša geavahusas leat 19 bargoeanaásodaga nappo bartta. Barttat lea čieža gieldda ja 14 sierra bálgosa guovllus.

Lassedieđu: áidebargojođiheaddjis