Doaibmajurdda
Bálgosiid ovttastus lea máŋggabealat ja alladásat máhtu áššedovdiorganisašuvdna. Dat doaibmá boazodoalu ovddideami bálggesčuollin ja aktiivvalaš váikkuheaddjin sihke Suomas ja olgoriikkain. Bálgosiid ovttastus ovddida sierra intreassabeliid beaktilis vuorrováikkuhusa ja buori ovttasbarggu. Ovttastus bargá aktiivvalaččat boazodoalu ekonomalaš ja kultuvrralaš eallinvuoimmi bealis. Ovttastusa doaimma stivrejit rabasvuođa, dávggasvuođa ja beaktilvuođa prinsihpat. Bargoveahka lea čatnašuvvan bargoseaset ja sis lea motivašuvdna dasa ja hovden lea buorre.
Boazodoallu ávkkástallá davviguovlluid luondduriggodagaid rehálaččat nanaguoddevaš ovdáneami prinsihpaid mielde ja gudnejahttá boahttevaš sohkabuolvvaid rivttiid. Ekologalaš ravdaeavttut ráhkadit boazodoalu ekonomalaš, sosiálalaš ja kultuvrralaš doaimma vuođu. Láhkaásaheapmi ja servvodatlaš mearrádusaid dahkan ásahit boazodoalu doaibmavejolašvuođaide rámmaid. Boazodoallu lea davviguovllu ealáhusain boarráseamos ja nanaguoddileamos. Davi giliin boazodoalu mearkkašupmi loktana boahttevuođas ovddežis, go eará barggut, omd. eana- ja vuovdedoalu fálaldagat, duojážassii uhccot. Boazodoallu doallá Davvi-Suoma giliid ássojuvvon ja eallingelbbolažžan.
Bohccobiergu ja eará boazobuktagat leat ovddasvástáduslaččat buvttaduvvon, dorvvolaččat ja allakvalitehtalaččat. Boazodoallu gudnejahttá elliid ja luonddu. Servodagain ja eará olbmuiguin doalahit buorre ságastallanoktavuođa ja vejolaš soahpameahttunvuođaid figgat čoavdit buorre dilis. Doaimma jotkkolaš ovdánahttin doarju gánnihahttivuođa ja kompetánssa ealáhusdoaimmas.
Ealli sápmelaš ja suopmelaš boazokultuvrrat máŋggain areálalaš iešvuođaiguin, legeanddaiguin, cukcasiiguin ja persovnnaiguin buktet ravddaheamet imagoávkki olles Supmii ja erenoamážit Davvi-Supmii. Boazobiebmokultuvra ja bohccobiergu golmmain EU nammasuodjemearkkainis leat Suoma nationála biebmokultuvrra šearradeamos násttit. Boazu lea máŋggabealatvuođainis okta guovddáš Davvi-Suoma turismma geasuhusdahkki.
Boazodoallu váldá oasis servodatovddasvástádusas go doalaha nationála kriisaáiggi fuolahussihkarvuođa. Bálgosiid ovttastus lea Eaktodáhtolaš gádjunbálvalusa VAPEPA miellahttuorganisašuvdna ja badjeolbmot báikkálaš meahccedovdamuša áššedovdin oassálastet dárbbu mielde iešguđetlágan gádjundoaimmaide guovllusteaset. Badjeolbmot leat aktiivvalaš váikkuheaddjit báikkálaččat ja doalahit dorvvolašvuođa ja kollektiivvalašvuođa davviguovllu giliin.
