Ovttasbargoguimmiid doaibmi prošeavttat

Boazobárteváruhusaid váikkuhusat -gieddeiskkus

Boazobárteváruhusaid váikkuhusat, gieddeiskkus (PoroFOT) prošeavttas bargat boazobárttiid geahpedeami ovdii. Dát dáhpáhuvvá guovtti vugiin:

1) Johtolatvahátárvvoštallit (badjeolbmot) bidjet boazobárttiid elektrovnnalaš kártii, gos diehtu sirdašuvvá geainnu ala, ee. ođđaseamos biillaid TMC-navigerenrusttegiidda alárbman: (eallit geainnu alde)

2) Prošeavtta olis bargat reálaáigásaš váruheami ovdii bohccuid birra jierbmetelefovnna bokte.

varoporoa.fi

Prošeavtta oaiveruhtadeaddji lea Johtolaga dorvvolašvuođadoaimmahat (Trafi). Eará ruhtadeaddjit leat Lappi ja Davvebađaeana EJB-guovddážat, Johtolatdoaimmahat ja Bálgosiid ovttastus. Prošeavtta hálddaša Teknologiija dutkanlágádus (VTT) ja dan ollašuhttináigodat lea 1.8.2013-31.10.2015. Prošeavtta prošeaktajođiheaddjin lea Elina Aittoniemi, báikediehtoáššedovdin Ahti Lahtela ja ovttastusa ovddasteaddjin stivrenjoavkkus Matti Särkelä.

Boazoáiddiid fuođđodorvvolašvuođa -prošeakta

Boazoáiddiid fuođđodorvvolašvuođa -prošeavtta ulbmilin lea buvttadit dieđu fuođđoelliid beaškkeheamis áiddiide. Erenoamážit eanalottiid herkket lápmašuvvet dahje jápmet beaškkeheamis áiddiin. Nubbi dáfus maiddái ealgaeallit vahágahttet áiddiid ja lasihit áiddiid divvundárbbu. Prošeavttas veardádallojuvvo iešguđetlágan merkenvugiid beaktilvuođa eastit beaškkehemiid daid huksen- ja materiálagoasttádusaid ja eará iešvuođaid dáfus.

Ulbmilin lea gávnnahit nanus, birasustitlaš ja goasttádusbeaktilis merkenvuogi beaškkehemiid geahpedeami dihte. Prošektii válljejuvvon dutkánáiddit leat Lappi eanagottis Roavvenjárggas Ohcejohkii. Prošeavtta oaiveruhtadeapmi boahtá Lappi EJB-guovddáža bokte Eurohpá ovddidanfoanddas ja eará ruhtadeaddjit leat Lappi universitehta, Meahcceráđđehus ja Fuođđo- ja guolledutkanlágádus. Prošeavtta hálddaša Lappi universitehta Árktalaš guovddáš ja dán ollašuhttináigodat lea 1/2014 – 4/2015. Prošeavtta prošeaktajođiheaddjin lea Markku Vierelä, sámedikki ovddasteaddjin stivrenjoavkkus lea Heikki Paltto ja ovttastusa ovddasteaddjin Matti Särkelä.