Palgâsij ovtâstus

Palgâsij ovtâstus lii puásuituálu stivrim-, ravvim- já äššitobdeeservi.

Palgâsij ovtâstus toimâm lii puásuituálulaavâ (PHL 848/1990) mield:

  1. toimâđ palgâsij ohtâvuođâčonâsin;
  2. ovdediđ puásuituálu;
  3. ovdediđ puásuituálu tutkâm, puásuituálun kyeskee keččâlemtooimâ já poccuujáludem; sehe
  4. toimâtteh eres toos heiviittum teikkâ meridum tooimâi (PHL 20.1 §).

Palgâsijd ovtâstus:

  • Rävvee palgâsijd, puásuiomâsteijeid, čonâsjuávhuid já aalmugjesânijd poccuid kyeskee koččâmâšâin
  • Almostit Poromies-lääđi já eres puásuituálu tiätumateriaal
  • Uárnee ráđádâllâm-, tiätujyehim- já škovlimtilálâšvuođâid
  • Taha alguid lahâasâttem já haldâttâs syergist puásuituálu ovdedem tiet
  • Oovded palgâsijd ovtâstooimâ
  • Vaaigut puásuituálun čonâdâttee eres iäláttâssáid já čonâsjuávhoid puásuituálu toimâmiävtui siäiluttem tiet.
  • Tuárju puásuituálu tutkâmtooimâ já tuállee Kutuharju puásuitutkâmkäärdi
  • Västid väldikuudij koskâsâš räjipuásuieestâaaiđijn
  • Tuáimá virgeomâhâžžân puásuimerkkâaašijn

Palgâsij ovtâstus jesâneh láá puoh palgâseh laavâst meridum.

Palgâseh kevttih meridemvääldis ovtâstus čuákkimist (PHL 20.2 §). Ovtâstus haldâttâh já airâsčuákkim tuhhiitteh ihásávt toimâvuávám já budjetiävtuttâs, moin puátih oovdân Palgâsij ovtâstus tooimah. Palgâsij ovtâstus eidusâš čuákkim, ađai Puásuiparlament, tuálloo ohtii ivveest kesimáánu aalgâst.

Laapi iäláttâs-, jotolâh- já pirâskuávdáš västid Palgâsij ovtâstus puáđusstivrimist. Ihásávt tohhum puáđussopâmušâst miäruštâlloo ovtâstus tärhibijd tooimâid.