Kutuharju tutkâmušah

Ihe 2014

Kutuharjust jotkui ain taažâi vijđes tutkâmproojeekt poccui roohâmääigi lattiimist.

Čohčuv totkeeh tárkkoo kiđđuv šoddâm nummeer ostum vuosij ucebijn kaardijn.

Ihe 2013

Kutuharjust jotkui taažâi vijđes tutkâmproojeekt poccui roohâmääigi lattiimist.

Jotkui meiddei taažâid já kanadalijd ovtâspargoin tohhum tutkâm kiđđuv šoodâm vuosijd njomâttemist já čuávumist.

Ihe 2012

Taažâi tutkâmproojeekt poccui roohâmääigi lattiimist jotkui ive 2012.

Meiddei Oulu ollâopâttuv já Pivdoellee- já kyelituálu tutkâmlájádâs tutkâm poccui ergijivečalme (Claviceps purpurea) kevttimist jotkui.

Uđđâ projektin aalgij taažâi já kanadalij ovtâspargon tohhum tutkâm kiđđuv šoodâm vuosijd njomâttemist já čuávumist.

Ihe 2011

Kutuharjust jotkui taažâi vijđes tutkâmproojeekt poccui roohâmääigi lattiimist. Tutkâmist kevttui ävkkin poccuid kiddejum GPS-rustigijd.

Oulu ollâopâttuv já Pivdoellee- já kyelituálu tutkâmlájádâs (taan ääigi Luonnonvarakeskus) tutkâmist selvâttui ergijivečalme (Claviceps purpurea) puurâdmân čonâdâttee tahhei. Tutkâm ergijivečalme kevttimist lii uási náguskirjepargo “Torajyvä Suomessa: levinneisyys, monimuotoisuus, kantojen alkaloidipitoisuudet já ekologiset vuorovaikutussuhteet”. Oovdeb keččâlmist puásuitutkâmkäärdist (10.12.2009) totkeeh láá iskâm tom, et karveh-uv poccuuh purrâmušâst ergijivečalme purâdem.

Ergijivečalme (Claviceps purpurea) lii syeinišadoi parasiitkuobâr. Ergijivečalme njuámmud iššeedsuáinán liäđđummuddoost já čuávumuššân lii kuobbâr čapis, siemmân stuárráb árppupäkki. Ergijivečalme lii táválâš jivešadoin sehe fuođâr- já luándusuoinijn miätá Skandinavia. Ergijivečalme puovtâd mirhâlâš alkaloidijd (ergotalkaloidijd), moh tovâtteh njomâtteijeid mirhâttâstavdâmeerhâid. Ergijivečalmemirhâttâsâid lii selvâttum sorvâellein Suomâst já Taažâst.