Raavâ palgâsân

Paalgâs lii kenigâttum toimâđ ko uážžu almottâs poccuin kuávlust, kost toh pyehtih tovâttiđ vaahâg. Jis paalgâs ij huolât kenigâsvuođâstis, eennâmiäigádist teikkâ vaahâg killájeijest lii vuoigâdvuotâ huolâttiđ poccui meddâl palgâs kuástádâsâin.

Ain ko poccuid huolâttiđ meddâl palgâs tooimâst kieldum kuávlust, kalga čäälliđ tooimah peivimeerijn já tijmeaaigijn muušton huolâlávt. Pyeri toimâmvyehi lii meid eelliđ almootmin äššiomâháid porgum toimáin teikkâ eres vuovvijn huolâttiđ tast, et tiätu porgum pargoost puátá puoh äššiomâháid tiätun.