Kuáskim (Aquila chrysaetos) 

Kuáskimij meeri puásuituálukuávlust lii lasanâm alda ton alemuu mere: kuáskimij revireh láá tievâ. Taan mield meid kuáskimijd tovâttâm puásuivahâgeh láá lasanâm. Kuáskim pivdá válduääšist vuosijd, maid tot puáhtá fievridiđ piervâlân. Kuáskim puáhtá kuittâg koddeđ meid rävis poccuu kirdemin ton siälgán já raigâmáin kozâidis poccuu siijđoi čoođâ kiäppáid.

Suomâ nanosumos kuáskimnääli lii puásuituálukuávlust. Pessee kuáskimij tovâttâm vahâgijn máksoo palgâsân reeviirvuáđulâš sajanmáávsu. Merâkuáskimeh iä kuulâ sajanmáávsu pirrâsân. Merâkuáskimnäälih láá lasanâm eromâšávt tave stuorrâ jaavrij já tahojaavrij kuávlust majemuin iivijn huámášittee ennuv. Merâkuáskim porá uáiviääšist kyele, mut Laapist kyeličääsih láá jiäŋŋum stuorrâ uási ivveest. Merâkuáskim tavveen kiävttá purrâmuššân poccuu rááđui lasseen meid jieš pivdám poccuid. Tutkâmtiäđuid ääšist ij kuittâg lah.