Biltáregisterat ja bilttát

Bohccuid beljiide giddejuvvon bilttáid geavahit lassemearkan bohccuid dovdamii. Lassemearkkat leat dárbbašlaččat ovdamearkan go vuovdit ealli, juo merkejuvvon bohccuid. Bálgosiid ovttastusa bokte diŋgojuvvon bilttáin geavahuvvo guokte ivnni: fiskat-ruoná buot bohccuin ja ruoksat sagahansarváin. Bilttá varisbeallái deddojuvvo bálgosa nummir ja muhttašuvvi registernummir. Njiŋŋálasbeallái beallái boazoeaiggát sáhttá bidjat dovdandieđuid. Bilttát leat jorba dahje njuolggočiegat hápmásaččat. Jorba biltái čáhká guoktenuppelohkái mearkka ja njuolggočiegat hápmásažžii gávcci.

Ovttastusa bokte diŋgojuvvon bilttát merkejuvvojit biltáregisterii, ja dalle boazoeaiggát gávdno registeris biltánummiriin. Eará go Bálgosiid ovttastusa bokte diŋgojuvvon bilttáin ii dollojuvvo virggálaš registera.

Bálgosiid ovttastusa doalaha virggálaš registera turisma- ja gilvvohallanbohccuin.

Rávvagat turismabohccuid biltemis

Boazu, mii biltejuvvo, galgá leat biltedettiin badjel 3-jahkásaš varrisboazu, sarvvis dahje heargi, turismageavahussii dábmojuvvon ja duođaštit turismaboazun geavahusa. Dábmojuvvon turismaboazu sáhttá láidet, leŋget ja geavahit geasehanboazun. Boazu lea hárjánan olmmošjoavkkuide ja dat geavahuvvo turismadoaimmas.

Turismaboazobilttá oažžu boazu buvttada ekonomalaš ávkki eaiggádasas. Turismaboazoregistera doalaha Bálgosiid ovttastus. Turismabohcco eaiggádat galgá almmuhit dalán ovttastussii, juos bohcco biddjojuvvo eret turismageavahusas, dat vuvdojuvvo, njuvvojuvvo dahje jápmá muđuid.

Lassedieđuid bilttáin ja biltáregisteris: doaimmahatčálli