Goaskin (Aquila chrysaetos)

Goaskimiid mearri boazodoalloguovllus lea lassánan lahka dan alimus meari: goaskimiid reviirrat leat dievva. Dán mielde maid goaskimiid dagahan boazovahágat leat lassánan. Goaskin bivdá váldoáššis misiid, maid dat sáhttá fievrridit beassásis. Goaskin sáhttá goittotge goddit maid ráves bohcco girdimin dan sealgái ja beađđamin gaccaidis bohcco siiddu čađa geahppáide.

Suoma nannoseamos goaskinnálli lea boazodoalloguovllus. Beassi goaskimiid dagahan vahágiin máksojuvvo bálgosii reviiravuđđosaš buhtadusa. Mearragoaskimat eai gula buhtadusa birrasii. Mearragoaskinnálit lea lassánan erenoamážit davi stuorra jávrriid ja dahkujávrriid guovllus maŋimuš jagiin fuomášahtti ollu. Mearragoaskima oaiveáššálaš borramuš lea guolli, muhto Lappis guollečázit leat jikŋon stuorra oasi jagis. Mearragoaskima dihtet davvin geavahit borramuššan bohcco ráppiid lassin maid ieš bivdán bohccuid. Dutkamušdieđut áššis eai goittotge leat.