Johtolatvahágat
Luottat ja ruovdegeainnut luddot bohccuid eallinbirrasiid ja guohtuneatnamiid. Boazobárttit dáhpáhuvvet jahkásaččat sihke luodda- ja ruovdegeaidnojohtolagas. Bártemearit molsašuddet sakka, dasgo earret eará dálkkit váikkuhit ollu bohccuid johtimii luottaid ja ruovdegeainnuid alde. Stuorámus riska bártidit bohccuin leat skábmamánnu, juovlamánnu ja ođđajagimánnu.
Leage erenoamáš várrugas dáin stuorra bárteriskka luottain:
- Riikkageaidnu 20 gaskkal Panumanjávri-Taivalkoski
- Riikkageaidnu 5 gaskkal Guossán-Ruka
- Máttageaidnu 82 gaskkal Vikajávri-Giemajávri
- Riikkageaidnu 4 gaskkal Roavvenjárga-Soađegilli
- Máttageaidnu 79 gaskkal Roavvenjárga-Gihttel
- Riikkageaidnu 21 gaskkal Kihlanki-Muoná
- Riikkageaidnu 4 gaskkal Vuohčču-Avvil
Suomas Johtolatvahátguovddáš (JVG) buhtte boazoeaiggádii johtolatvahágis manahuvvon bohcco. Juos bohcco eaiggáda ii sáhte čielggadit, buhtadusa oažžu dáhpáhusbáikki bálggus.
Vahága dagaheaddji ii leat buhtadusovddasvástádus bohccos.
JVG buhtte maiddái olgoriikkalaš fievrru dagahan boazovahágiid. Boazobárttis dagahan fievrru vahágiin dahje olmmošvahágiin ohccojuvvo buhtadus fievrru iežas johtolat- ja káskodáhkádusas. Prinsihpas biilla dahje gárgga vuollái báhcán bohccos boahtti manahus lea boazoeaiggádii álo stuorát go lihkohisvuođas manahuvvon bohcco buhttenárvu. Erenoamážit produktivitehta agis manahuvvon sagahanboazu buhtten ođđa bohccuin lea njoazes hommá: njiŋŋálasmiesi sagahanahkái šaddadeapmi gollá unnimustá golbma jagi.
Bálgosiid ovttastus, bálgosat ja badjeolbmot geahččalit aktiivvalaččat gávnnahit vugiid boazobárttiid geahpedeapmái. Bohccuid guođohit eret geainnuid lahkosis. Jagiid mielde leat geahččalan máŋggalágan vugiid vahágiid caggamii, muhto beaktilis vuogi eai leat vel lihkostuvvan gávdnat.
Bohccuid rusten šleđggoniiguin sáhttá juoba lasihit vahátriskka, go vuoddji gáddá šleđggonbohcco olbmon.
Maŋimuš šleđggoniskkadeapmi dahkui jagis 2014, goas máliimet bohccuid čorvviid šleđggonmálain. Šleđggonmálaiskkadeapmi lea ožžon fuomášumi medias máilmmi viidosaččat (Helsingin Sanomat NYT 17.2.2014), nu ahte dat doaimmai buot gokčaseames johtolatčuvgehusáŋggirdeapmi. Mála nanusvuođas ja geavaheamis leat váttisvuođat, danin doaibmi buktaga buvttaovddideami joatkit ain áššin beroštuvvan fitnodagaiguin.
Jođus lea maid Boazobárteváruhusaid váikkuhusat -gieddeiskkus, mainna johtolatvahátváttisvuođaid geahččalit čoavdit teknologiijain.
Várut bohcco johtolagas
Boazobárttiid (suomagillii) riskaguovllut reálaáigásaš diehtun!
Boazu johtolagas
Boazu johtolagas -ofelaš (PDF 1822 kt, suomiagillii)
