Gumpe (Canis lupus)

Gumpe goddá bohccuid jagi birra doppe, gos goassige lihkada. Eanemusat vahágat dáhpáhuvvet nuorttamus boazodoalloguovllus, gos váttisvuođaid dagaha Ruošša valjis ja rádjeguovllu beaktilit ávkkástalli gumpenálli.

Gumppiid ja bohccuid guhkesáigásaš ovttaseallin seamma guovllus lea veadjemeahttun. Boazu lea gumpii menddo álkis sálaš ja vahágat lassánit jođánit gierdameahttun mihttogorrái. Gumppiid dagahan boazovahágiid mearri lea sorjavaš boazodoalloguvlui mieđihuvvon gumppiid jávkadanlobiin ja jávkadanproseassa lihkostumis. Juos mearrádusa dahkan ja geavatlaš bargu doibmet beaktilit, maiddái vahátmeari bissu gierdevaš dásis.

Gumpe gullá boazodoalloguovllus, nuppe láhkái go eará guovllus riikkas, luonddudirektiivva mildosii V (92/43/EEC), nappo dan lea vuolggasajis vejolaš meahcástit. Gumpenáli suodjalan dihte gumppiid lihkadeami oarjeráji badjel Ruŧŧii leat oaidnán dehálaš ulbmilin. Ná geahččalit eastadit ruoŧŧelaš-norgalaš gumpenáli sissagaheami. Johtti nuorra gumppiin lea cakkakeahtes vejolašvuohta lihkadit Suomas Skandináviai, dasgo muohtahis eatnama áigge gumppebivdin ii prinsihpas lihkostuva oba spiehkastatlobiin. Gumppet lihkaditge dutkamušaid mielde jahkásaččat ráji badjel dálá áigge suodjalanulbmiliid geahččanguovllus doarvái.

Gumpenáli dikšunplána

EVM 11/2005 (PDF 1860 kt, suomagillii)

Meahcástanásahusat

Áigedássidis ásahusat EVM siidduin, suomagillii.