Ruvkedoaibma

Ruvkeindustriija johtilis lassáneapmi davvin fuolastuhttá. Erenoamážit balu mielddisbuktá maŋimuš jagiin dáhpáhuvvan viiddis ruvkedoaimma dagahan biraskatastrofat Suomas ja máilmmis. Ruvkedoaibman boazodoalloguovllus lea álo riska boazodollui. Riska sturrodat lea gitta ruvkedoaimmas ja dan sajádagas.

Boazodoalloguovllus doibmet Agnico Eagle Gihttela golleruvke ja Soađigilis kanadalaš First Quantum Minerals Kevitsa máŋgametállaruvke, mas boltot nihkkela, veaikki, platina ja palladiuma. Kevitsa lea Suoma stuorámus ruvke, go Kevitsas boltojuvvo jagis 10 miljovnna tonna málmma ja 63 miljovnna tonna siidogeađggi.

Soađegili Pahtavaara golleruvke doaibman nogai konkursii 2014. Konkursa lei goalmmát Pahtavaara historjjás.

Guhkes ovdánan ruvkeprošeavttaid válmmaštallamat lea Hannukainen Kolaris, Ranua Suhankos, Suovvaguoikka Soklis, Guossáma Juomasuos ja Taivalkoski Mustavaaras. Lassin birra boazodoalloguovllu barget málmmaohcama.

Ruvkedoaibma váikkuha mearkkašahtti ollu boazodollui. Garvemeahttun váikkuhusat leat njulges ja eahpenjulges guohtuneatnamiid manahusat, hehttehusat, guohtunjohtima moiven ja dáid mielde bargomeari ja goasttádusaid loktaneapmi. Lassánan johtolat dagaha iežas mearkkašahtti váttisvuođaid. Váddásepmosit ovddalgihtii leat váikkuhusat ja riskat laktásit rabasbolttohaga gavjemii ja guohtuneatnamiid  ja čázádagaid nuoskkideapmái lossametállaid, suonjardeaddji ávnnasosiid ja eará birasnuoskkáid hálddaškeahtes leavvama mielde. Ruvkedoaimma váikkuhusaid ja riskkaid galgáge ovddalgihtii árvvoštallat dárkilit.

Boazodoalu boahtteáigi lea sorjavaš doarvái buhtes ja viiddes luondduguohtuneatnamiin. Daid seilon gáibida buot industriijas ja erenoamážit stuorra birasriskkaid sisttisdoalli ruvkedoaimmain eakti ovddasvástádusa birasgažaldagain ja lávga ovttasbarggu áššáiosolaš bálgosiiguin prošeaktaplánemiin juohke prošeavtta álgolávkkiid rájes.