Kietâruotâs

Puásui-iššeed: Valkeapää Lars-Jona
Puhelin: +358 40 678 1185
Šleđgâpostâ: kasivarrenpaliskunta@gmail.com

Kietâruottâs paalgâs kulá Iänuduv vittápirrâdâhân. Paalgâs lii Iänuduv kieldâ uárjitaveuásist. Palgâs raajijn láá uárjin Ruotâ väldikode rääji já tavveen Taažâ väldikode rääji. Madâ- já nuorttâ peln palgâs räjiránnján lii Näkkälä paalgâs.

Palgâs enâmijn 95,7 % láá statâenâmeh já 4,3 % priivaatenâmeh. Paijeel peeli palgâs kuávluin láá mecci- já jegijsuojâlemenâmeh. Kilbisjäävri uárjitave peln lii Malla luándumecci. Stuárráámus uási palgâs kuávluin lii kiäinuttes já asâmettum meccikuávluh.

Palgâs uáivipygályskäärdih láá Ávžžášjävri, Njáimmet, Viššát, Gulddan já Bálojävri. Eres kärdisajeh láá Sálvvošjävri, Jehkas já Bihčosjävri. Njáimmet já Viššáha kooskâst lii 15 kilomeetterid kukke njuovâdâhkuje.

Kuávlu lii häärviht assum já aassâm lii iänááš riijkâkiäinu 21 já Finnmark-kiäinu piällást uccâ siijdâin. Stuárráámus čuákkipäikki lii Gárasavvon sijdâ.

Kietâruottâs paalgâs

Kietâruottâs palgâs WWW-siijđoh

Keeđhi kuorâmin

Kietâruottâs palgâs puásui-iäigád Tuomas I. Palojärvi kuorâmin keeđhi luodâid Iänuduv Páálujäävrist (Youtube). Lapin Kansa – almottum 3/2013.