Oivanki

Puásui-iššeed: Kujala Juha
Puhelin: +358 40 913 7616
Šleđgâpostâ: oivanginpaliskunta@gmail.com

Oivanki paalgâs kulá Kuáccám vittápirrâdâhân. Paalgâs lii Guossán kaavpug koskâuásist. Paalgâs rájášuvá nuorttân Ruošâ statârááján, mäddin Kallioluoma, uárjin Akanlahti já Tolva já tavveen Alakitka palgâsáid.

Palgâs enâmijn 3,8 % láá statâenâmeh já 96,2 % priivaatenâmeh. Palgâs juáhá riijkâkiäinu 5, mii vädismit poccui kuáđuttem. Ruka čuoigâmkuávdáš puáhtá kuávlun ennuv turistijd.

Palgâsist lii suullân 20 kärdisaijeed. Kiddâdiskäärdih láá vittâ, sirdemkaardijd kevttiđ suullân love kärdisaajeest. Kyevti kärdisaajeest lii purâttemäiđi. Kalvemij syejiaaiđijd Oivanki palgâs uásáliih láá karttâm huksiđ stuárráámuu uásán kalvemijn.

Aassâm lii čokkânâm Kuáccám kirkkosiijdân, Rukan já Nissinvaaran. Ässeemereh láá kaavpugist njeeijâm majemuin iivijn já aainâs-uv tuárispelekyláh šaddeh ävđin.