Muonio

Puásui-iššeed: Kurki Vili
Puhelin: +358 40 083 3373
Šleđgâpostâ: vilikurki@gmail.com

Muonio paalgâs kulá Bállásduottar vittápirrâdâhân. Paalgâs lii Muonio kieldâ (80 % palgâsist) lasseen Kolari já Kittâl kieldâi peln.

Paalgâs rájašuvá uárjin Ruotâ räi, tavveen Näkkälä, nuorttân Kyrö já Alakylä já mäddin Kolari palgâsáid.

Palgâs enâmijn 66,5 % láá statâenâmeh já 33,5 % priivaatenâmeh. Palgâs nuorttâtave- já nuorttâuásist lii Pallas-Yllästuoddâr aalmuglâšmecci.

Palgâs uáivipygályskärdi lii Lamumaa, mast lii meid vijđes purâttemäiđi. Eres pygályskäärdih láá Sainkangas, Rautuvaara, Käkivaara, Ahvenkielinen, Hangasmaa, Luusunselkä, Juutilainen já Tiuraselkä.

Palgâs kuávlust láá kyehti stuorrâ mađhâšemkuávdáá, Äkäslompolo-Yllästunturi já Olostunturi. Olostunturi mađhâšemkuávdáást láá pieggâvyeimirustigeh já Kolari Hannukainen-nommâsâš pááikán láá vuáváámin ryevdikuáivuttuv.

Aassâm lii iänááš Muoniojuuvâ leevist já riijkâkiäinu 21 alda siijdâin. Iänááš ässeeh láá Muoniost, mii lii palgâs koskâmuddoost.