Tolva

Puásui-iššeed: Lämsä Olavi
Puhelin: +358 400 216 516
Šleđgâpostâ: tolvanplk@outlook.com

Tolva paalgâs kulloo Itäkemijuuvâ vittápirrâdâhân. Paalgâs lii Posio kieldâst já váhá Kuáccám kaavpug peln. Paalgâs rájášuvá tavveen Salla, nuorttân Alakitka já Oivanki, mäddin Akanlahti já uárjin Posio Livo já Timisjärvi palgâsáid.

Palgâs enâmijn 22,0 % láá statâenâmeh já 78,0 % priivaatenâmeh. Palgâs kuávlust láá kulmâ stuorrâ suojâlemkuávlu: Riisitunturi aalmuglâšmecci, Ritakorkia suojâlemkuávlu (Natura) já Kätkytvaara suojâlemkuávlu (Natura).

Palgâs kuávlust lii ennuv eennâmkalvem, já piälduh láá Tolva kuávlust valjeest.

Eestâääiđih palgâsist iä lah. Kiddiist pygálusääiđih láá čiččâm já käärdih láá miätá palgâs. Sirdemäiđirustigeh láá tuárvi já tuáimih pyereest. Sirdemääiđih čokkâneh plastiikaaiđijn, äiđikooskâin já päddirulláin.

Pisovis aassâm lii čokkânâm kieldâkuávdážân Posion. Kuávlust láá maaŋgah siijdah; Karjalaisenniemi, Mourunkylä, Kitka, Tolva já Suonnankylä. Rijjâäigiaassâmviäsuh láá maaŋgah čyeđeh, ko čácáduvah láá valjeest kuávlust.