Kuivasalmi

Puásui-iššeed: Koskela Antti I.
Puhelin: +358 40 846 8321
Šleđgâpostâ: akoskela86@gmail.com

Kuivasalmi paalgâs kulá Kittâl vittápirrâdâhân. Paalgâs lii Kittâl kieldâ nuorttâtaveuásist. Paalgâs rájášuvá tavveen Näkkälä já Sallâvääri, nuorttân Sattasniemi já Laapi, mäddin Alakylä já uárjin Kyrö palgâsáid.

Palgâs enâmijn 78,8 % láá statâenâmeh já 21,2 % priivaatenâmeh. Palgâs taveuási olá Lemmee aalmuglâšmeeci pel. Palgâs uárjitaveuási lii Pulju aalmuglâšmecci já nuorttâtavečievâst uccâ kuávlu olá Pänituoddâr meccikuávlun.

Kuávdoo palgâs lii Kittâl Suurikuusikko kollekuáivuttâh, mii lii toimâm ive 2009. Kollekuáivuttâh lii viijđedmin Kuotko malmio kuávlun. Tooimâi vijđedem váátá uđđâ riggodemčunoikuávlu vuáđudem sehe kuáivuttâhpirrâs vijđedem. Nubbe huámášittee já šoddiš toimâ palgâs kuávlust lii mađhâšem. Levi mađhâšemkuávdáš lii palgâs enâmijn. Lasseen Kuivasalmi já Sattasniemi räi, Kuolavaara-Keulakkopää -nommâsii pááikán huksejuvvoo pieggâvyeimirustigeh.

Kursujärvenmaa já Sammalselkä láá palgâs uáivipygályskäärdih. Palgâs lii häärviht aassâm. Tehálumoseh siijdah láá Pulju, Lompolo, Köngäs-Rauduskylä, Hanhimaa, Pokka, Kuivasalmi, Kiistala, Jeesiöjävri já Tepsa. Kittâl kieldâ čuákkipäikki páácá palgâs ulguubel.