Orajärvi

Puásui-iššeed: Ekonoja Aimo
Puhelin: +358 40 541 8937
Šleđgâpostâ: ekonojat@hotmail.com

Orajärvi paalgâs kulloo uárjivittápirrâdâhân. Paalgâs lii Pello kieldâst já váhá Paje-Tuárnus kieldâst. Paalgâs rájášuvá tavveen Kolari, nuorttân Palojärvi, mäddin Lohijärvi palgâsáid já uárjin väldikode räi.

Palgâs enâmijn 29,0 % láá statâenâmeh já 71,0 % priivaatenâmeh. Tuárnus já Kolari kooskâst lii ryevdikiäinu, mast lii sehe olmooš- já täävvirjotolâh. Ryevdikiäinu mana čoođâ Orajärvi palgâs Tuárnusjuuvâ leevi. Lavŋejeegih láá kyehti.

Palgâs uáivipygályskäärdih láá el. Kuivalaki, Pekaneennâm, Koppelo já Puonavääri. Orajärvi já Kolari palgâsij kooskân lii huksejum 37 kilomeetterid kukke eestâäiđi. Ryevdikiäinu piällást lii VR pargolâšvuotâruuđáin huksejum suullân 50 kilomeetterid kukke coggâmäiđi, mon ulmen lii coggâđ poccuid moonnâmist ryevdikiäinu oolâ.

Pello kieldâ čuákkipäikki lii palgâs enâmijn. Juhâleevist lii puáris aassâmpääihih já aainâs-uv-uv luámuaaigij tobbeen lii valjeest ässeeh. Pello, Turtola, Juoksinki já Lankojärvi láá stuárráámuuh siijdah, moh láá Orajärvi palgâs enâmijn.