Paalǥâskååʹdd tuâj da siiskâž organisaatio

Paalǥâskååʹdd tuâjaid koʹlle puäʒʒhåiddlääʹjj (PHL 7 §) meâldlânji ââʹnned huõl paalǥâskååʹdd vueʹssniiʹǩǩi puõcci håiddmest paalǥâskååʹdd vuuʹdest, vuåppâd puäʒʒhoiddu kuulli tuâjai tiuddmõõžž, cõggâd tõn, što paalǥâskååʹdd vueʹssniiʹǩǩi puõccu jie tuejjad skääđ da seerd jeeʹres paalǥâskååʹdd vuuʹdid di spraavâd jeeʹres lääʹjjest, šiõtlmin da meärrõõzzin uvddum tuâjaid.

Paalǥâskååʹdd nõmmee kõõskstes tuåimmniiʹǩǩid jeeʹresnallšem puäʒʒhååid tuâjaid. Tuåimmneeʹǩǩ tuåimmje puäʒʒeeʹžžeed vuåppâm vueʹlnn. Ouddâl tuâjjses älggmõõžž puäʒʒeeʹžžed, väärreeʹžžed, tuâjj-jååʹđteei di pikalõõzz lookkioummu õʹlǧǧe vuâllaǩeeʹrjted ååsktõõzz (PHL 51 §), koʹst šiõtteet tääʹrǩben puäʒʒhåiddasetõõzz (883/1990) 10 §: st.