Puäʒʒhååid päiʹǩǩteâttaunstõõzz
Puäʒʒhååid päiʹǩǩteâttaunstõõzz, leʹbe poroGIS-aunstõõzz, lie norrum pukin paalǥâskooʹddin 2000-lååǥǥ aalǥâst. Aunstõʹsse lie mieʹrǩǩuum jeäʹrbi mieʹldd jeeʹresnallšem puäʒʒpääiʹǩ da kuäivvam- da palggâmjânnmi vuârtõõllmõõžž di puäʒʒhååid infrastruktuur. Aunstõõzzi vuõiggâdvuõđ koʹlle ääʹššvuäzzlaž paalǥâskådda da tõid vuäitt vuäǯǯad ââʹnnma kõõččmõõžžâst åårrai paalǥâskååʹdd ǩeerjlaž looʹvin. Aunstõs ij leäkku puki paalǥâskooʹddi vueʹzzest aivv ääiʹjtässʼsaž. Ââʹnnemlååʹppraukkâmpõʹmmai vuäǯǯ Paalǥâskooʹddi õhttõõzzâst. Tõn âlgg tiuddeed da tõõzz âlgg vuäǯǯad paalǥâskååʹdd puäʒʒeeʹžžed vuâllaǩeeʹrjtõõzz. Tiudduum äännmõõžž vuâllaǩeeʹrjtõõzzines tuåimtet Paalǥâskooʹddi õhttõʹsse. Õhttõs tuåimat aunstõõzzid ââʹnnemlååʹv vaaldšeeja Shapefile-ååʹblǩest.
Paalǥâskooʹddi õhttõõzzâst käunnai paalǥâskooʹddi raajjaunstõs še.
Puäʒʒhååid päiʹǩǩteâđaid lie peiʹvvääm SYKE da RKTL (ânnʼjõžääiʹj Luonnonvarakeskus) POROT-haʹŋǩǩõõzzâst. Tõn haʹŋǩǩõsvuʹvdden leäi Ruäʹvnjaarǥ da Nuõrtt-Lappi mäddkåʹddkääʹv vuʹvdd.
Juâtkkhaʹŋǩǩõs, TOKAT-haʹŋǩǩõs, peiʹvvad iiʹjjin 2016-2017 puäʒʒhååid päiʹǩǩteâttaunstõõzzid. Täävtõs lij vuäǯǯad peiʹvvummšid obb puäʒʒhåiddvoudda.
Ââʹnnemlååʹpplomaakk tietopyynto_py_rekisterista
Juätkast ođđ aunstõõzzi vuäǯǯam diõtt mäddâânnmõõžž plaanma taarbšet määuslaž ââʹnnemvuõiggâdvuõđ. Täin ainsmââʹttet, što aunstõõzz lie ääiʹjtässʼsa, veeidas da kvaliittla. Tän poodd teâđaid vuäǯǯ teâttõssân, leša õõldâspuõʹttivuõđâst tõk lie vuäǯǯamnalla WFS-raajjpäiʹǩǩ-kääzzkõssân, kuäʹss tõid vuäitt ââʹnned vuõiʹǧǧest plaaneemriâšldõõǥǥâst. Ođđ päiʹǩǩteâttaunstõõzzi ââʹnnma vuäǯǯam diõtt, leäkku õhttvuõđâst Vilma Sanaksenaho (040 159 5592).
Lââʹssteâđ: Puäʒʒtäällvuäʹpsteei
