Piiltâǩrekisteeʹr da piiltâǩ

Puõccu peeʹlljid pijjum piiltǩid ââʹnet lââʹssmiârkkân puõccui tobdstummšest. Lââʹssmiârk lie tarbbsõs ouddmiârkkân ko kaaupšet jieʹlli, juʹn mieʹrǩǩuum puõccuid. Paalǥâskooʹddi õhttõõzz pääiʹǩ tiʹllʼjuum piiltǩin ââʹnet kueiʹt eeuʹn: viskkâd-ruânn eeuʹn pukin puõccuin da ruõʹpsses eeuʹn šõkksârvvsin. Piiltâǩ ååʹrespeälla tieʹddet paalǥâskååʹdd nââmar da jooʹtti rekisternââmar. Njeʹŋŋlõspeälla puäʒʒvuäʹmsteei vuäitt piijjâd suu haaʹlääm tobdstemteâđaid. Piiltâǩ ååʹbleǩ lie jorbb leʹbe vuõiggčiõkk. Jorbb piiltǩa šeâtt kuâhttmlo miârkkâd da vuõiggčiõʹǩǩe kääuʹc.

Õhttõõzz pääiʹǩ tiʹllʼjuum piiltǩid mieʹrǩǩeet piiltâǩrekisteera, kuäʹss puäʒʒvuäʹmsteei käunnai rekisteeʹrest piiltâǩnââmrin. Jeeʹres ko Paalǥâskooʹddi õhttõõzz pääiʹǩ tiʹllʼjuum piiltǩin jeäʹt tuõʹlle veerǥlaž rekisteeʹr.

Paalǥâskooʹddi õhttõs tuõʹllai veerǥlaž rekisteeʹr maatkčem da ǩeâšttpuõccuin.

Lââʹssteâđ piiltǩin da piiltâǩrekisteeʹrest: koontârpiisar

Vuäʹppõõzz maatkčempuõccui piiltǩi piijjmest

Puõccu, koozz piijât piiltâǩ âlgg leeʹd pâʹjjel 3-âkksaž ååʹrespuäʒʒ, leʹbe sââʹrves leʹbe jeäʹrǧǧ, maatkčemââʹnnma škoouʹlʼjum da tuõđi maatkčempuäccjen õnnum. Škoouʹlʼjum maatkčempuõccu vuäitt laiʹddjed, ǩeässted da ââʹnned ǩieʹssempuõccjen. Puäʒʒ lij harjjnam ooumažjooukid da tõn ââʹnet maatkčemtuåimmjummšest.

Maatkčempuäʒʒpiiltâǩ vuäǯǯai puäʒʒ puuʹtat tällõõzzlaž ääuʹǩ suu vuäʹmsteeja. Maatkčempuäʒʒrekisteeʹr tuõʹllʼjet Paalǥâskooʹddi õhttõõzzâst. Maatkčempuõccu vuäʹmsteei âlgg iʹlmmted mââʹjeeǩâni õhttõʹsse, jõs puõccu vääʹldet meädda maatkčemââʹnnmest, tõn kaaupšet, kååʹddet leʹbe tõt muđoi pråppad.