Paalǥâskooʹddi õhttõõzz jååʹttmen åårrai haʹŋǩǩõõzz

Ij jååʹttmen åårrai haʹŋǩǩõõzz.

Paalǥâskooʹddi õhttõõzz ǩiõččlõddmõõžž

Paalǥâskooʹddi õhttõõzzâst lie jååʹttmen kueʹhtt jiiʹjjes ǩiččlõddmõõžž, koid ij leäkku võl occum åålǥbeällsaž haʹŋǩǩõsteäggtõõzz.

Eeʹjj 2012 alttiim www.porotyot.fi -ǩiččlõddmõõžž, koin paalǥâskååʹdd jiõčč iʹlmmte päiʹǩǩteâttprograamm veäkka ääiʹjtässʼsânji puäʒʒtuâjeez pirr meäccjeeʹjid. Täävtõssân lij cõõggõõttâd meäccjeeʹji, jeäʹrben meäccjempiânnʼji, da puõccui väʹǯǯelvuõđlaž teivvmõõžžid. Ǩiččlõddmõš lij jååʹttmest ååuʹc paalǥâskååʹddest Kõskk-Lappi vuuʹdest, koʹst meäccjempieʹnne tuejjee takai jäänab puäʒʒskääđ juõʹǩǩ eeʹjj. Vuõss puåđõõzz lie miâlggâd låʹppeei.

Nuʹbb mij ǩiččlõddmin čõnnââtt põrggmõʹšše cõggâd jååttlõkskääđaid. Ǩeâđđa 2014 ǩiččlõʹddeš äidduum åårrmõõžžin åårrai puõccui čueʹrvi kälkkmõõžž peelǥteeispraykäälkain. Ǩiččlõddmõš ǩieʹzzi jiânnai miõlid da leävvni teâttneeʹtti da sosiaalʼlaž media pääiʹǩ bukvaalânji obb maaiʹlm mediaaʹje. Ođđsid ǩiččlõddmest õlmstõʹtteš pukin jânnamvueʹzzin, Aasia, Afriikk da Saujj-Aʹmmriikk mieʹtt. Čueʹrvi kälkkmõʹšše da seämmast puõccuid da puäʒʒhoiddu takainalla lie jeällam tobdstõõttmen pâʹjjel lååi meeraikõskksaž fiʹlmmjemjoukkad da ođđ lie õinn pueʹttmen. Käälk ǩeâllʼjummuš puõccui čueʹrvin kuâđđ ânnʼjõž vueʹjjest jiânnai tuäivvam nalla, leša oouʹdeemtuâj možât jueʹtǩet õinn. Peelǥteeikälkk-ǩiččlõddmõš lij kuuitâǥ juʹn ânnʼjõž vueʹjjest vuäǯǯam äigga puk-i ääiʹji jååttlõkčuõvtemkampanja.