Puäʒʒparlameʹntt
Puäʒʒparlameʹntt lij Paalǥâskooʹddi õhttõõzz juõʹǩǩ ekksaž eeʹttǩeeisååbbar. Såbbrest âʹnne tuʹmmjemvääʹldes paalǥâskååʹdd, koon puäʒʒeeʹžžed eeʹttkâstt, paalǥâskooʹddi puäʒʒlååǥǥai meâldlaž kõskkvuõđâst.
Vuõssmõs puäʒʒparlameeʹnt rieʹššeš eeʹjj 1948. Ânnʼjõžääiʹj Puäʒʒparlameʹntt lij kueiʹtpeivvsaž puäʒʒoummi eeʹjj vääžnʼjumus šõddmõš. Tõn äiʹǧǧpodd lij ääʹrbvuâlželd ǩieʹssmannu vuõssmõs vuõssargg da mââibargg. Ruäʹvnjargg lij šõddâm Parlameeʹnt põõšši šõddmõšpäiʹǩǩen. Puäʒʒparlameʹntt nåårr õʹhtte nuʹtt 350-450 vuässõõttjed. Vuässõõtti lie nuʹtt puäʒʒhååid ämmatneeʹǩǩ ko riikkvaaldâšm organisaatioi eeʹttǩeei, tuʹtǩǩeei, politiikkneeʹǩǩ da jeeʹres oummu, ǩeäi miõl puäʒʒhåidd ǩeäss.
Vuõssmõs sååbbarpeiʹvven puäʒʒparlameeʹntest kuulât riikkvaaldâšm tiõrvʼvuõđid da äʹšštobddiloǥlmid, koi teeʹmmen lij puäʒʒhååidast tõn poodd ääiʹjpoddsaž äʹššobbvuõtt. Parlameʹnttsaakkvuâraid õlmstââʹttet Poromies-lõõstâst. Nuʹbben sååbbarpeiʹvven ǩiõttʼtõõlât õhttõõzz eeʹǩǩmainnâz, tiilid di tällõs- da tuåimmplaanid.
Puäʒʒparlameʹntt-teeʹm:
2019 Puäʒʒlååǥǥaid õhttneei ääiʹjpoddsaž kõõččmõõžž
2018 70-eeʹjjprääʹzniǩ
2017 Puõccu vueʹǯǯ da puäʒʒ maatkčummuž ǩieʹssemviõkktuejjeeʹjen
2016 Pukin ođđsumõs puõccust
2015 Õhttsallašvuõtt
2014 Vuäittmõõžž da puõʹttivuõtt
2013 Mäddâânnmõš
2012 Pueʹrrvââjjmõš
2011 Media
2010 Nääuʹd
2009 Äimmõs-muuttâs
2008 60-eeʹjjprääʹzniǩ
2007 Puõccu vueʹǯǯ
2006 Takai ǩičldõk
2005 Kannteeivuõtt
2004 Kannteeivuõtt
2003 Puõʹttivuõttfoorum
