42 Alakitka
Boazoisit: Oikarainen Jalmari
Telefovdna: +358 40 965 0596
Šleađgapoasta:alakitkanplk@gmail.com
| Ruovttugielda: | Guossán |
| Viidodat: | 1 175,9 km2 |
| Stuorámus lobálaš ealliboazomearri: | 1 600 |
| Boazoeaiggádat: | 38 |
Alakitka bálggus gullá Guossáma mearkabirii. Bálggus lea Guossáma gávpoga davveoasis. Bálggus rádjašuvvá nuortin Ruošša váldegodderádjái, máddin Oivanki, oarjin Tolva ja davvin Salla bálgosiidda.
Bálgosa eatnamiin 24,6 % leat stáhtaeatnamat ja 75,4 % priváhtaeatnamat. Bálgosa guovllus lea Oulanka álbmotmeahcci, mii dorvvasta lahppoguohtuneatnamiid seailuma bálgosa guovllus. Lassin bálgosa guovllus lea Sukeri luonddumeahcci. Ruošša ráji lagasvuohta dagaha fámolaš spirenáliid bálgosa guovllus.
Bigálusgárddit leat oktiibuot njeallje. Rytinkis lea bigálusgárddi oktavuođas maid borahangárdi, mas bohccuid sáhttá doallat ja borahit dárbbašettiin váttisvuođaid haga. Jäkälämutkai lea huksejuvvon ođđa bigálusgárdi 2010.
Bálgosa stuorámus oktasaš gilli lea Käylä. Maiddái Vuotunkis lea ássan. Luopmo- ja friddjaáiggeásodagat leat valjit bálgosa eatnamiin. Osolaččaid ássan čohkiida Käylä guvlui. Muhttin badjeolbmot ásset maid Guossáma guovddážis ja eará gávpoga giliin.
