17 Sattasniemi

Boazoisit: Riipi Matti
Telefovdna: +358 40 706 6832
Šleađgapoasta: sattasniemimatti@gmail.com

Sattasniemi bálggus gullá Soađegili mearkabirii. Bálggus lea Soađegili gielddas. Bálggus rádjašuvvá davvin Sámi, nuortin Oraniemi, máddin Syväjärvi ja oarjin Goikečoalmmi bálgosiidda.

Bálgosa eatnamiin 85,9 % leat stáhtaeatnamat ja 14,1 % priváhtaeatnamat. Bálgosa guovllus leat Pomokaira suodjalanguovlu ja Kaarestunturi suodjalanguovlu mat leat 31,5 % bálgosa viidodagas. Bálgosa guovllus leat vihtta čáhcefámu buvttadeapmái dárkkuhuvvon dahkuáldá. Lassin bálgosis lea doaisttážii doaimmaidis gaskkalduhtán Pahtavaara golleruvke. Soađegili garnisovdna lea bálgosa guovllus.

Bálgosa oaivebigálusgárddit leat Kautoselkä ja Sattasvaara. Eará gárdebáikkit leat Kurkiperävaara, Kaarresselkä, Hirvilauttanen, Vanttio, Poksaselkä, Kuorajoki, Vuoromarova, Salmuri ja Kunnanen.

Bálgosa ássan lea deahttámus Soađegili čoahkkebáikkis. Rajala gilli lea guovdu bálgosa ja eará gilit (Kersilö, Sattanen, Jeesiö ja Soađegilli) leat bálgosa rádjeguovlluin.