15 Goikečoalbmi

Boazoisit: Koskela Antti I.
Telefovdna: +358 40 846 8321
Šleađgapoasta:

Goikečoalmmi bálggus gullá Gihttela mearkabirii. Bálggus lea Gihttela gieldda nuortadavveoasis. Bálggus rádjašuvvá davvin Neakkela ja Sállevári, nuortin Sattasniemi ja Sámi, máddin Alakylä ja oarjin Kyrö bálgosiidda.

Bálgosa eatnamiin 78,8 % leat stáhtaeatnamat ja 21,2% priváhtaeatnamat. Bálgosa davveoassi ollá Leammi álbmotmeahci beallái. Bálgosa oarjedavveoassi lea Bulju álbmotmeahcci ja nuortadavvečiegas unna guovlu ollá Bátneduoddara meahcceguvlui.

Guovdu bálgosa lea Gihttela Suurikuusikko golleruvke, mii lea doaibman jagis 2009. Golleruvke lea viiddideamen Kuotko malmio guvlui. Doaimmaid viiddideapmi gáibida ođđa riggudansáddoguovllu vuođđudeami sihke ruvkebirrasa viiddideami. Nubbi fuomášahtti ja šaddi doaibma bálgosa guovllus lea turisma. Levi turismaguovddáš lea bálgosa eatnamiin. Lassin Goikečoalmmi ja Sattasniemi rádjái, Kuolavaara-Keulakkopää -nammasaš báikái huksejuvvo bieggafápmorusttegat.

Kursujärvenmaa ja Sammalselkä leat bálgosa oaivebigálusgárddit. Bálgosis lea ássan hárvet. Deháleamos gilit leat Bullju, Lompolo, Köngäs-Rauduskylä, Hanhimaa, Pokka, Goikečoalbmi, Kiistala, Jeesiöjärvi ja Tepsa. Gihttela gieldda čoahkkebáiki báhcá bálgosa olggobeallái.