50 Oijärvi

Boazoisit: Siurua Henri
Telefovdna: +358 44 972 6619
Šleađgapoasta: hene.si@hotmail.com

Oijärvi bálggus gullá Pudasjärvi mearkabirii. Bálggus lea Ii gielddas. Bálggus rádjašuvvá davvin Isosydänmaa, davvenuortin Kuukas, nuortin Ikonen, máttanuortin Kiiminki-Kollaja bálgosiidda ja máttaoarjin boazodoalloguovllu máttarádjái.

Bálgosa eatnamiin 39,1 % leat stáhtaeatnamat ja 60,9 % priváhtaeatnamat. Bálgosa guovllus leat ollu lavdnjebuvttadeapmi ja eanandoallu.

Málmmaohcanváldimat leat golmma fitnodagas. Litokairas lea jekkiidsuodjalanguovlu. Gilvimiid suodjeáiddit leat logi, aktiivagilvimis geavahuvvon eana lea áidojuvvon sullii 120 hehtára. Suodjeáiddiid leat huksen ollu. Bálgosis ii leat gokčevaš gárdefierpmádat, oktage giddesgárdi ii leat geavahusas. Bálgosis geavahuvvojit sirdingárddit dárbbašettiin.

Fuomášahtti ássanguovddáš lea Kuivaniemi girkosiida. Bálgosa guovllus leat máŋggat gilit, dego Tannila, Jakkukylä ja Oijärvi sihke eanandoallováldosaš guovllut dego Leua ja Luola-aapa.