25 Hirvasniemi

Boazoisit: Alaluusua Alpo
Telefovdna: +358 40 720 9385
Šleađgapoasta: alpoalaluusua@gmail.com

Hirvasniemi bálggus gullá Salla mearkabirii. Bálggus lea Giemajávrri (s. 65 %), Pelkosenniemi (s. 25 %) ja Suovvaguoikka (s. 10 %) gielddaid guovlluin. Bálggus rádjašuvvá oarjin Pyhä-Kallio, davvin Oraniemi, nuortin Salla sihke máddin Timisjärvi bálgosiidda.

Bálgosa eatnamiin 24,8 % leat stáhtaeatnamat ja 75,2 % priváhtaeatnamat. Álbmot- dahje luonddumeahcit eai bálgosa guovllus leat eaige meahcceguovllut. Boares vuovddit ja luonddumeahcit leat vel Ottovaaras, mii gullá Natura suodjalanguovlluide.

Bálgosa dehálaš bigálusgárddit leat Isokylä, Soppela, Palomaa, Haukivaara ja Seitavaara. Hanhivaaras lea giddes gárdi, man geavahit miessemearkumiin. Váldooassi bálgosa osolaččain ásset giliin, mat leat Soppela, Isokylä, Kallaanvaara, Joutsijärvi, Kostamo ja Luusua. Soppelas ásset measta 80 % osolaččain.