52 Pintamo

Boazoisit: Kosamo Eero
Telefovdna: +358 40 089 6583
Šleađgapoasta: kosamoeero@gmail.com

Pintamo bálggus gullá Pudasjärvi mearkabirii. Bálggus lea Pudasjárvi gávpogis (75 %) sihke Taivalkoski (15 %) ja Puolanka (10 %) gielddain. Bálggus rádjašuvvá máddin boazodoalloguovllu máttarádjái, oarjin Pudasjärvi, davveoarjin Pudasjärvi Livo, máttanuortin Taivalkoski ja nuortin Näljänkä bálgosiidda.

Bálgosa eatnamiin 56,3 % leat stáhtaeatnamat ja 43,7 % priváhtaeatnamat. Pintamo bálgosis leat máŋggat Natura-guovllut. Oassi Syöte álbmotmeahcis ja Iso-Syöte vánddardanguovllus leat bálgosa davveosiin. Riikkageaidnu 20, Oulus Guossámii, cuvke bálgosa davveoasi. Geainnu iešvuohta lea boazobárttiid stuorra mearri.

Pintamo bálgosis leat vihtta giddesgárddi, Alakangas, Sulakangas, Pirinkangas, Ruuhivaara ja Kurkikangas. Gilvináiddit leat bálgosis čuođit kilomehterat.

Guovlu lea ássojuvvon hárvet ja lea čohkiidan eanáš johkalegiide ja jávrriid gáttiide. Bálgosa guovllus ii leat stuorra čoahkkebáiki. Máinnašanveara gilit leat Jurmu, Iinattijärvi, Jaurakka ja Puhos. Boazo- ja luonddudollui vuođđuduvvi dálut leat dál vihtta.