7 Avvil

Boazoisit: Kustula Niko
Telefovdna: +358 40 844 6247
Šleađgapoasta: ivalonplk@gmail.com

Avvila bálggus gullá Anára mearkabirii. Bálggus lea Anára gieldda máttaoasis. Nuortaránnján lea Ruošša, máddin Sámi, oarjin Bátneduoddara ja davvin Báhčaveaijoga bálgosat.

Bálgosa eatnamiin 90,2 % leat stáhtaeatnamat ja 9,8 % priváhtaeatnamat.

Eanaeaiggádeapmi bálgosa eatnamiin lea eanáš stáhta hálddus. Lassin lea oktasašmeahcci ja priváhta eatnamat. Bálgosa eatnamiin lea Suoločielggi turismaguovddáš. Lassin guovllus lea Urho Kekkonen álbmotmeahcis oassi.

Bohccuid gieđahallanbáikkit leat Moitakuru, Juurakkomaa, Kettujärvi, Mártinjávri, Mutalampi, Petäjäjärvi ja Kostiatalasvaara. Lassin sáhttet láigohit Rájijovsseba bigálusgárddi Sámi bálgosis.

Bálgosa guovllus leat Avvila, Dearpmáža, Áhkojávrri, Keväjávrri, Veskonjárgga, Njellima ja Suoločielggi gilit. Badjeolbmot ásset measta juohke gilis.

Meahccebiebman Avvila bálgosis

Avvila bálgosa mátta- ja gaskaoasi bohccuid meahccebiebman (Youtube). Roavvenjárgga ámmátallaskuvla pLAB – almmuhuvvon 3/2013.