1 Báišduottar

Boazoisit: Aikio Ari-Heikki
Telefovdna: +358 40 843 2749
Šleađgapoasta: ari-heikki.aikio2@pp.inet.fi

Báišduoddara bálggus gullá Ohcejoga mearkabirii. Bálggus lea Ohcejoga gielddas, erenoamážit boazodollui dárkkuhuvvon guovllus ja lassin sápmelaččaid ruovttuguovllus.

Bálggus rádjašuvvá nuortin Gálddoaivvi, máttanuortin Muttošjávrri ja máddin Muotkeduoddara bálgosiidda. Oarjin ja davvin bálgosa rádje Deatnu ja Norgga váldegodderádji.

Bálgosa eatnamiin 94,1 % leat stáhtaeatnamat ja 5,9 % priváhtaeatnamat. Guovllus eai jur leat guossamuorat eaige ekonomalašmeahcit. Duovdagat leat duoddarat ja johkaleagit, main muorat leat marastat. Bálgosa eatnamiidda lea vuođđuduvvon luonddusuodjalanlága vuođul Geavu luonddumeahcci.

Báišduoddara bálgosis eai leat miessemearkumat geasset, muhto boazobargguid álggahit golggotmánus ragatáiggi mielde. Bálgosa áidna bigálusgárdi lea Áilegasa bigálusgárdi.

Guovlu lea hárvet ássojuvvon ja lea eanáš Deanu leagis. Stuorámus gilit leat Gáregasnjárga, Gámasmohkki ja oassi Ohcejogas.

Báišduoddara bohccot

Bohccuid rátkkašit Ohcejogas Báišduoddara bálgosis Áilegasa gárddis buriin mielain 11/2013 (Youtube). Olli Miettunen – Lapin Kansa