Kuʹmpp (Canis lupus)

Kuʹmpp kåʹdd puõccuid pirr eeʹjj toʹben, koʹst-i liikkad. Jäänmõsân skääđ šâʹdde nuõrtt puäʒʒhåiddvuuʹdest, koʹst väʹǯǯelvuõđid tuejjad Ruõššjânnam jõnn da raajjvuuʹd viõkkšânji äuʹǩǩeei kuʹmppnääʹll.

Kuuʹmpi da puõccui kuʹǩesäiggsab õhttsažjieʹllem seämma vuuʹdest lij vueiʹtʼtem. Puäʒʒ lij kuʹmppe čuuʹt hiâlpp šiil da skääđ lâssne jåttlânji ǩeâllʼjteʹmes mettkõskkvuõđid. Kuuʹmpi tuejjääm puäʒʒskääđai mieʹrr lij ǩidd puäʒʒhåiddvoudda miõttum kuuʹmpi jaukkeemlooʹvin da jaukkeemproseeʹss oʹnnstummšest. Jõs tuʹmmstõktuâjj da nääʹl tuâjj mâʹnne viõkkšânji, skääđđmeäʹr pâʹšše ǩiõrddi tääʹzzest.

Kuʹmpp kooll puäʒʒhåiddvuuʹdest jeeʹres jânnmest čårsteeʹn luâttdirektiiv mieʹlddõʹsse V, de vueʹlǧǧemsââʹjj lij, štõ tõn lij vueiʹtlvaž meäccjed. Kuʹmppnääʹl peäʹlest kuuʹmpi jååttmõš viõstâr-raaj rââst Ruõccjânnma lij vuõinnum vääžnai täävtõssân. Nääiʹt põõrǥât cõõggõõttâd ruõcclaž-taajâž kuʹmpp-populaatio siisǩšõkknemvuõđâst. Jooʹtti nuõrr kuuʹmpin lij cõõggteʹmes vueiʹttemvuõtt jååʹtted Lääʹddjânnmest Skandinaviaaʹje, ko ǩieʹssmäädd äiʹǧǧen kuuʹmp šeellmõš ij nääʹlest oʹnnest ni čoʹrstõklooʹvivuiʹm. Kuuʹmp liikkee-i tuʹtǩǩummši mieʹldd juõʹǩǩ eeʹjj raaj rââst ânnʼjõž vueʹjjest suõjjlemtäävtõõzzi vueiʹnnemkuuʹlmest riʹjttjeeinalla.

Kuʹmppnääʹl håiddamplaan

MMM 4/2015 (PDF 1860 kt, lääddas)