Šâddeemsuõjjäidd

Šâddeemvuuʹdi äiddummuš vuäitt leeʹd tarbbsõs, jõs ââʹnnmest jie leäkku jeeʹres nääʹl tuõʹllʼjed puõccuid meädda šâddeemvuuʹdin. Äiddeemkuul õʹlǧǧe kuuitâǥ leeʹd mååžna kõskkvuõđâst vueʹtlvaž skääđaid. Äiddummšest saǥstõõlât da suåppat ääʹššvuäzzlai kõõsk. Jõs äiddummšest jeäʹt piâzz õõutmiõllsažvuõʹtte, vueiʹtet ääʹšš räʹtǩǩeem diõtt kåččad puäʒʒskääđđluʹvddkååʹdd.

Vuõiggâz meäʹrtõõllâm šiõǥǥ äiddraajjâmnääʹl meâldlaž äidd lij rajjum mettarõllsaž äiddstraaŋgâst (23.6.2004, 04/627). Ståʹlppen ââʹnet kalvvum kuõss- leʹbe pieʹccstooʹlpid. Äiddummša taarbšet pâi mäddvuäʹmsteei lååʹv. Jõs mäddvuäʹmsteei ǩeâldd ääid raajjmõõžž suu vuäʹmstam jânnma, ij paalǥâskååʹdd vuâsti taarbâž koʹrvveed puõccui tuejjääm skääđaid (Ruäʹvnjaarǥ huåvv-vuõiggâz tuʹmmstõk 6.9.2006 /756). Koʹrvveemõõlǥtõõzz ij možât šõõdd, jõs skääđđǩiõrddi mieʹttvaikkat tuåimmjummšiʹnes skääđ šõddma. Mäddvuäʹmsteei leʹbe vaaldšeei tääʹrǩesvuõttõõlǥtõʹsse kooll jeäʹrbi mieʹldd tuõʹllʼjed ääidi čuâlluusid kattum, što puõccu jie piâzz voudda, koʹst tõk jie vuäǯǯ leeʹd.

Äiddummšest âlgg pâi tuejjeed ǩeerjlaž suåppmõõžž paalǥâskååʹdd da mäddvuäʹmsteei kõõsk- Ääid kuddânââʹnnmest še âlgg suåppad vueʹsspieʹli kõõsk ǩeerjlânji.

Paalǥâskååʹdd vuäiʹtte ooccâd Lappi ELY-kõõskõõzzâst puäʒʒtääl da luâttjieʹllemvuõʹjji teäggtemlääʹjj (POLURA 896/2011) meâldlaž äiddeemveäʹǩǩvuõđ suõjjääid raajjâmkuulid.

Šâddeemääid lie paalǥâskååʹdd jällmõõžž. Ääidid päʹrtteei lij skääđđkoʹrvveemõõlǥtem suu tuejjääm skääđast.