Bohccobiergu lea njálgga ja dearvvašlaš

Bohccobiergu ii leat dušše njálgga, muhto maiddái dearvvašlaš borramuš: das leat ollu dearvvašvuhtii váikkuheaddji ávdnasat. Bohccobiergu sisttisdoallá proteiinnaid (20-24 g/100 g), minerálaávdnasiid, A- ja B-vitamiinnaid ja duhtatkeahtes oljosivrraid, mat vuolidit vahátlaš LDL-kolesterola. Bohccobierggus ii leat jur vuodja (2-4 %) ja bohccobiergu muittuha buoidečoahku bealis guoli. Borramuša geahččanguovllus bohccobiergu lea biergobuktagiin oktageardánit dadjon buoremus.

Bohcco-, gusa- ja spiinnebierggu borramušlaš kvalitehta.

Bohccobierggu divrasamos oasit leat čielgedeahkit ja čoarbbealit. Čielgedeahkit leat erenoamáš buorre biffaborramuša ávnnas. Sisčoarbbealli lea buoremus galbmasuovasbierggu ávnnas. Buorre steaikka oažžut olgo- ja siidočoarbbeliin ja čoamohasas ja ovdačielggis. Buot bohcco osiin sáhttá válmmaštit maiddái árbevirolaš goikebierggu. Rávis bohcco bierggu galgá heaŋgáhit 2-7 beaivvi ealli agi ja ruovjji mielde.

Bierggu lassin bohcco váibmu, vuoivvas, manimuččat, njuovčča, varra ja mielki leat dehálaš borramušávdnasat. Bohcco buoidi čoakkána dábálaččat bohcco čielgái náhki vuollái iežas geardin. Buoiddi leat árbevirolaččat geavahan borramuša steikemii ja vuoššamii, danin go dat addá borramuššii fiinna aroma.

Bohccobierggu buvttadit rájálaš meari jahkásaččat ja bierggu jearran lea stuorát go fállan. Buoremus áigi bohccobiergu oastimii lea golggot-skábmamánnu, goas gárddástallanáigodat lea jođus. Juos bohcco háliida oastit njuolga buvttadeaddjis, gánneha robi várret buriin áiggiin ovdal gárddástallama álgima, ovdamearkan borge-čavččamánus. Maŋŋáge bohcco sáhttá oažžut, muhto oažžun ii leat sihkkar.

Bohccobierggu buvttadeampmi

Golahanláhttemis dáhpáhuvvan rievdadusat, dego dearvvašvuođa ja smáhka deattuheapmi, ekologalaš buvttadeapmi sturron ja gourmet-borramuša beroštumi lassáneapmi váikkuhit iežas oasis bohccobierggu jerrui.

Golaheaddjit dollet árvvus bohccobiergobuktagiid smáhka, dearvvašlašvuođa ja olgguldashámi. Buvttaovddideami ovdii leat bargan ollu maŋimuš jagiid áigge. Maiddái njuolga buvttadeaddjis ostojuvvon biergu lea fuolalaččat gieđahallojuvvon ja páhkkejuvvon vakuuma sisa.

Lappi Bohcco birgui, Lappi Bohcco goikebirgui ja Lappi Bohcco galmmassuovasbirgui lea mieđihuvvon EU nammasuodji. Nammasuodji buktá lasseárvvu árbevirolaš buktagiidda ja eastada stáđásmuvvan nama boasttogeavahusa ja buvttavearisteami.

 

 

Bohccobierggu ja bohccomielkki čoahkkádus

Girjjálašvuohtageahčastat bohccobierggu ja bohccomielkki čoahkkádusas 7/2007 (suomagillii) (PDF 257 kt)