Boazodoallojahki (1.6.−31.5.)

Giiváseamos bargoáigodagat leat geasse- ja suoidnemánu miessemearkun ja čakčamánu loahpas ođđajagimánnui bisti bigálusáigodagat. Geasset divodit áiddiid sihke láddjejit suinniid ja barget lastarissiid ja loktejit hoašša dálvvi várás.

Boazodoallojahki nohká miessemánu loahpas (31.5) ja ođđa álgá fas geassemánu álggus (1.6.).

Boazobargguin ávkkástallet bohcco lunddolaš láhttema. Geasset, go divrrit leat čohkken bohccuid čorragiidda, de bohccuid lea álkit čohkket gárdái miessemearkuma várás. Čakčat ragatáigge sarvát čohkkejit áldduid ragatčorragiidda ja fáktejit daid dárkilit. Sarvvis doallá iežas čorraga beaktilit čoahkis, mii álkiduhttá ollu ealu čohkkema gárdái.