Industriijalaš eanangeavaheapmi

Boazu dárbbaša máŋggalágan borramuššattuid jahkejohtimisttis sierra muttuin. Boazodoallu vuođđuduvvá luonddu guohtuneatnamiidda ja bohcco friddja guođoheapmái dain: boazu ohcá ja gávdná borramušas ieš luonddus, boazu ávkkástallá sullii 350 sierra borramuššattu. Mearkkašahtti oassi bohcco borramuššattuin, erenoamážit jeagil, šaddá mehciin. Bohccuid geasseguohtoneatnamat leat jeakkit, giettit ja šattolaš ájaguorat. Čakčat bohccot čohkiidit vuvddiide borrat guobbariid.

Boazodoallu lea sorjavaš luonddus ja vuođđuduvvá ođasmuvvi luondduváriid gierdevaš ávkkástallamii. Boazodoalu eavttuide váikkuheaddji eanangeavaheami hámit leat geavatlaččat buot boazodoalloguovllu luondduváriid ávkkástallamii guoski doaimmat. Guovddáš váikkuheaddjit leat vuovdedoallu, ruvkeindustriija, biegga- ja čáhcefápmobuvttadeapmi, lavdnjebuvttadapmi, turisma sihke iešguđetláganat suodjalanguovllut.

Luonddus dihte boazodoallu dárbbaša viiddes máŋggabealat guohtuneatnamiid vai bastá doaibmat ekologalaččat, sosiálalaččat ja kultuvrralaččat ja ekonomalaččat buorre vugiin. Eará eanangeavaheapmi váikkuha boazodollui earret eará borramušresurssaid dahje guohtuneatnamiid vátnuma dahje cuovkaneami, bohccuid guohtunjohtima hehttehusaid ja rievdadusaid, boazodoalu doaibmama váttásmuvvama sihke earálágan vahágiid lassáneami hámis. Eanangeavaheamis leat čuovvumušat baicce boazodoalloservodaga ekonomalaš doaibmaneavttuide maid boazodoallokultuvrii.

Buoremus guohtuneana lea doarvái viiddis, oktilaš ja máŋggabealat. Boazu gávdná doppe sierralágan borramuššattuid ja čiegarda juohke guovllus. Buorre guohtuneatnamis boazu oažžu doarvái borramuša ja doppe lea guohtunráfi massiivvalaš olbmodoaibmama haga. Bohccuid buoremus guohtuneatnamat leat suodjalanguovlluin, gos eará eanageavaheami leat rádjen.

Boazodoallu lea aktiivvalaččat oasálažžan sierralágan lágas mearriduvvon eanangeavaheami meannudemiin, dego lávvaráhkadeami eará dásiin (eanagoddilávvaráhkadeapmi, oppalaš lávvaráhkadeapmi, sadjelávvaráhkadeapmi), prošeavttaid birasváikkuhusaid árvvoštallamis, suodjalusguovlluid dikšun- ja geavahanplánain, málmmaohcan- ja ruvkelohpeproseassain ja johtolaga plánemis (geaidno- ja luoddaplánat).

Bálgosiid ovttastus doaibmá boazodoallojearaldagaid áššedovdin ja áššáiosolaš bálgosiid veahkkin sierra eanageavaheami meannudeamis, addá cealkámušaid ja oassálastá ráđđádallamiidda, stivrenjoavkkuide ja ovdánahttinbargojoavkkuide ja čoaggá dieđuid sierralágan eanangeavaheamihámiid váikkuhusas boazodollui.